أنكســار القلوب

قصيدة عجبتني وحبيت تشاركوني فيها

كـــــذاب فكري مدري الحلم كذاب ......... مافيهم اللي يعترف بالحقيقه

أن قلت حلمي قال باعوك الأحباب ....وأن قلت فكري شت بسهل طريقه

ضاع الكلام وتالي الوقت وش جاب.... ألا جروحً بالحشــــا مستضيــــــقه

القلب من زود العنا جض وارتاب....... بس الأكيد ان المحبـــه عميقـــــــه

ملعون ابو هالحظ من جد لعاب ....... يضحك ولاكن وسط جوفه حريقــــه

أن قلت غالي خافقي بالغلا ذاب.... أخذ على عمري عهـــــودً وثيقــــــه

ياكثر ماله لاتذكرت الأقراب .......... وياكثر ما اشوفه بعين الدقيــــــــقه

يفداه راسً عن جميع البشر تاب..... وتفداه روحً وسط حبه غريـــــــــقه

أنا ادري ان البعد دايم له اسباب ..... بس آآآآه من يرحم قلوبً شفيقه

لو قلت ابنسى صرت ستين كذاب.... وان قلت يقدر كيف بعدي يطيقه



منقول