أنهرت وماعاد فيني حيل أصبر عروس وطالبه طلاق

السلام عليكم ورحمته الله وبركاته
أنا حبيبة ميدو عضوه مو قديمه مره لكن يمكن بعضكم يعرفني دخلت عالم حواء وكان منتدى رائع بنسبه لي تعلمت منه اشياء كثيره كنت ادخل على قسم الحياه الاسريه وأقرا بعض المشاكل وأستغرب فيه زوجات تعيسات لهذا الحد
وكنت ماخذه مقلب أن الزواج حلو
طلع بنسبه لي أكبر ماساه
قصتي من البدايه تعرفت على بنت ايام الثانويه وصارت صديقتي طبعا كانت حبوبه مره معاي وعدت السنوات وخطبتني لأخوها الي الحين زوجي
وتم كل شي ملكه زواج ولحد الحين اموري تمام ثاني يوم من زواجي جت الخدامة عمتي الي هي ام زوجي تاخذ الزباله وأنتو بكرامه من عندي الزباله فيها معسل لأن زوجي المصون يشيش واهله مايدرون فالمعسل بالزباله
والزباله مربوطه والخدمه اخذته طبعا عمتي سوت جمارك عليه ولقت المعسل جت ثلث يوم وأنا عروس ومسكتني من ثوبي خمتني ولا شغاله عندها وقلت ولدي ليه يعسل انا ولدي مايعسل اجل انا الي قايله له عسل المهم سكت وعديتها وجا زوجي وانا ابكي وقال وش فيك قلت السالفه الحق يقال أنه أستغرب هذا الي قدره ربي عليه وقعد يتعتع ويبلع ريقه وخيرتها قال تمزح قلت ما تمزح وش تمزح تمسكني من ثوب كني خدامه حتى الخدامه ماتنمسك هالمسكه
المهم عدت السالفه ومشيتها قلت عروس وما ابغى اخرب على عمري علشانها
رحت سفريه أنا وزوجي وقطعت سفرتي علشان اخوه والسبب تافه سكت مانقشته وأول ماجيت من السفر طبعا أنا ساكنه فوقهم بشقه جيت عندهم سلمت قعدت شوي وقلت بطلع ارتاح تعبانه قالت أنا جايه وراك أستغربت بس سكت
أول ماحطيت رجلي عند باب شقتي ولا هي وراي قلت حياك ياعمه ردت بزمره قالت وريني قهازك لأن حماتي مصريه :icon28:
قلت لها تأمرين المهم اول مافتح الدولاب قالت ده قهاز ده كل ملبوس قلت لها مو ملبوس ملابس من احسن المحلات والماركات وانتي جايه تقولين ملبوس
وهبت فيني وقبت أنتي دخلتك على دخله سودا وأنا مثل مادخلتك قادره اطلعك وانتي يوم تجيني البيت مغير تمسكين الجوال وترسلين اخباري واخبار بناتي لأمك ومن هالكلام الي لاسنع ولا ذربه وطلعت من عندي وأنا الله يعلم بحالي وفوق هذا حبيت راسها بس قلت لرجالي طبعا لأن كلامها مو بسيطوانا قلت لزوجي مو من باب التفرقه لأ من باب انو تخليني بحالي شافت اني غلطت عليها تكلم أما اعملها بالحسنا وتعملني بنقيض وبدون سبب ليش
المهم راح رجالي قالها ليش تقولين مثل مادخلتك هالبيت قادره اطلعك منه وكلامها الي هيا قالته رجع لي قال والله أنا مدري اصدق مين ولا مين تخيلو فرت دمخه وأنكرت كل الي قالته
أنا يوم زواجي وكاي عروسه جتني هدايا والهديا ضاعت أنسرقت الله وعلم خواتي مالقو غير كيس داخله كرت بس من 6 هدايا هذا الي حصلوه كيس فاضي والباقي عليه العوض انا ياصاحبة الهدايا ما همني اهم شي عندي اصحابها
عمتي لأ سوت قضيه وأخر ماتوصلته قالت خواتك سرقوا الهدايا ويقولون لك أنها مسروقه قلت عيب عليك خواتي مو ناقصهم شي ولو طلبوها مني ما بخلت عليهم تفداهم عيوني وخواتي مو سرقات قعدت تبلع ريقه وتضيع السالفه وقالت ترى ان معي جني والجني هذا يعلمني أخبار الناس كله حتى اخبار اهلي بمصر يعلمني فيها
يعني أقتنعي أن خواتك سراقات طبعا انا لما سفرت كان مفاتيح الشقه معهم على حساب أنهم يركبون لشبابيك شباك الحرامي قايلين انهم شافوا حرامي وخافوا على الشقه تنسرق طبعا المفاتيح معهم راحت فتشت الغرفه حتى الشموع والورد المجفف تفرجت عليه
من غير الفساتين والملابس عندي فستان فوشي ويوم زواجي اختي لابسه فستان فوشي نفس الون بس مو نفس الفستان
قالت أنا شفت فستان أختك معلق عندك بدولاب عروس مجهزه ولا مسافره مو مجهزه من الرياض ضربه مشوار وش طوله وش عرضها علشان تقول أنو أنا خواتي نلبس من بعض مو مقهر قلت لزوجي طبعا سكت لا تعليق ماتكلم ولا قال ولا حرف
عدت أيام قلائل وقال زوجي بسافر وأنا ماكملت شهر يعني حكرت السفره الا الحين بس ماعرضت سكتسافر الفجر وقلت لخواتي ترى زوجي مسافر تعالوا أسهروا عندي قالوا خلاص المهم وهو نازل بيسافر قال لاخته ترى .....(اسمي حبيبه كذا راح أسمي حالي )المهم تراها صاحيه روحي أقعدي معاها جت طويلت العمر عندي سواليف ضحك وناسه الساعه 11 سويت فطور علشانها مديت سفره كل شي عليها كل الي عندي حطيتها وأكلت علشان ما تستحي مني وما تمد يدها وبعد ماخلصت تركت السفره ممدوده قلت ما أبغى أشيلها يمكن البنت ماشبعت بعدها قلت لها أسمعي أنا مافيني نوم أبغى أنظف بيتي أذا نعسانه هاذي الغرفه عندك قالت أنا مانام غير على 12 قلت طيب لكن لاتستحين اذا حسيت بنعاس روحي نامي وقعدت أرتب بيتي الي من زمان ما رتبته ليش لأني من أصحى أغسل وجهي والبس أنزل تحت أكلي وفطوري كله تحت يوم أطلع تعبانه يالله أغسل الملابس وأكوي ونظف المواعين وأنام السراميك على الله
المهم نظفت السراميك يوم خلصت لقيتها بالمطبخ تاكل قالت جعت قلت لها وأنا مثل أشتغلت وأحس نفسي ميته جوع أكلنا وكانت الساعه وحده ظهر وحده ونص نمت دقوا علي خواتي على الاربعه قالوا حنا بطريق طبعا هي نايمه جنبي وصحت على دقت الجوال بعد ماخلصت مكالمه قلت لها صحيتي قالت أصلا مانمت أنا ما أعرف أنام غير بفراشي قلت اسمعي خواتي جايات وانتي روحي نامي تحت لطالما مانمتي عندي وأول ماتصحين تعالي ترى عندي اليوم سهرت بنات
قالت خلاص وقبل تنزل طلبت منها قهوه ماعندي وعطيتها كيس خبز يابس لجار لنا عنده غنم وراحت البنت اشوي الا أم زوجي جايه بعد ماجو خواتي قالت وبصوت عالي وبزمره بعدولا وحده تعقد هنا كلكم تحت يالله يالله وتهشنا بيده كنا غنم بلعتها وسكت ونزلت مع ان بيته مايقرب لخواتي يعني لا هي عمه ولا هي خاله ولا شي المهم سكت ورحت سلمت على عمي وقعدت معه شوي وقال ترى زوجك بطريق راجع قلت ليش أمداه يرجع قال الدكتور قال مااقدر اسوي لك العمليه الحين المهم دردشت مع عمي شوي ورجعت عند عمتي وخواتي قلت ياعمه رجالي بطريق وأنا من صحيت من النوم جو خواتي وانتي وراهم ومارتبت غرفتي ورجالي بطريق بطلع أرتب الغرفه قالت خلاص طالعه وراكم ؟؟؟؟؟؟؟؟؟؟؟؟؟؟
بذمه فيه وقاحه أكثر من كذااااااااااااااااااا
المهم طلعت فوق وانا خواتي حدنا من الحركه الي مسويتها معنا وجالسين ساكتين المهم أختي داخله الكليه الله يسهله ويوفقها وتعرفون البنات اول مايدخلون الكليه أمهم شي عندهم البس وقعدت أسولف ويا اختي بالملابس وكذا قلت لها اشتري شنطتين وجزمتين وانتوا بكرامه والملابس لاتكثرين لأن من يبدا الدوام فتره قصيره ولا تلاقي الشتا دخل ومارح تستفيد من ملابس الصيف بس خوذي من مانجو عندهم تخفيض 70 % وسميت لها كذا محل كانوا مسوين تخفيض نطت ام زوجي وقالت أنتوا بدال ماتتفشخرون شوفوا نفسكم وين عايشين وبايش عايشين قلت لها علشان بيتي اجار حبيبتي هذا ابوي قاعد يدور له على بيت مو محتاجين يالله لك الحمد قالت بصراحه ومن غير زعل بيتكم ريحته ريحة بياره قلت أيش قالت عادي انا كنت ساكنه بيت أجار ومدري ايش قعدت ترقع ومسكت أختي قعدت تقول لها جمعي مكافأتك وشتري بيت بالله مكافأه تجيب بيت ؟؟؟؟؟؟؟؟؟؟؟؟؟؟؟؟؟؟؟؟؟
المهم زعلت أنا وماحكيتها ولا تكلمت عليها وروحت أختي وقعدت هي وشوي بعدها روحت وكان زوجي بالفتره هذي بطريق
ورجع طبعا سيده عند أمه عبت راسه وش قالت ألله وأعلم بس من ضمن الي قالته حرمتك تتفشخر علينا وجا عندي وأنا متزبطه ولابسه فستان قد طلب مني مره اني البسه ومالبسته لكن لبسته لما جا من السفر أول ما فتحت الباب دخل درعم على الصاله وقعد يصارخ علي يقول والله لو تتفشخرين مره ثانيه لا امسح فيك البلاط قلت وش فيك اصلا أمك قايله لي شوفي نفسك وين عايشه وبايش عايشه قال بالله امي قالت كل هذا طبعا أنا عارفه أنه كله من تحت راس أمه رحت وعصبت عليه قلت أمك تكذب عليك وانت تصدقها قال امي ماتكذب قلت هذا وش تسميه المهم كلمه مني كلمه منه ضربنب كفوف وانا ماكملت شهر قلت ليش امك تراقبني قال أنا قلت لها من حقي اعرف وش يصير بيتي قلت مو من حقك تتجسس على سواليف أنا خواتي قال انتي تصحين اختي من نومها وتعطينها الخبز وتقضبينها الباب ؟؟؟؟؟؟؟؟
اخذت جوالي بدق على أهلي
لأن أنا أتحمل كل شي الأ الضرب وين الاحترام مايبضرب غير الحمار صدق وانا مو حيوان عنده
اخذ مني جوالي وغباه داخل الدرج بعده بكم ساعه استغفلته واخذت الجوال لقيته شايل البطاريه منه وقعدت يومين وانا على هالحال زعلان ولا يكلمني ولا شي واذا دخل يدف الباب بقوه طبعا لما كانوا خواتي عندي جا أخوي ياخذهم وقلت لخوي اقعد شوي وشرب عندي لو فنجان قهوه وفعلا جلس شرب فنجان ومشى الاخ والمحروس زوجي يقول اخوك ليش يدخل على حريمي
اخو جاي لأخته ياعلم خلو فيها سالفه
وبعد يومين طلع من البيت ورحت ادور على البطاريه ولقيته ودقيت على اهلي قلت مابيه قالوا لأ نشوف وش صاير ونحل المشكله طبعا جبت عمي الي هو أبو زوجي وقعدت أتكلم وقلت الي صار كله قلت ليش مو من حقي أستقبل خواتي بيتي ليش تراقبني وفكيت القربه كلها طبعا أنا أتكلم بصوت عالي مو صراخ لأ بس من الي فيني مو شوي والله ياعالم مو شوي
أخ تعبت بكره بكمل مالي خلق انسدت نفسي بس بليز أنا أفكر أخلعه ما عادني طايقه العيشه معه باول لما أدخل والقي وحده تطلب اطلاق كنت اقولها لأ الا الطلاق لكن الحين انا الي اطلبه
بليز بنهايه الي مو عاجبه كلامي من غير تجريح مو محتاجه رد