السلام عليكم ورحمة الله وبركاته
نستعرض معكم أنواع البزران ..
ــــــــــــــــــــــــــــــــــــــــــــ
(( البزر المفهي ))
هو بزر مايدري وين الله حاطه
أي شي تقوله له بيقول هاه
(( مستقبله ))
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي ..
مثال على ذلك ..
ــــــــــــــــــــــــــــــــــــــــــــ
(( البزر الجنتل مان أو الجنتل بيبي ))
بزر غالبا يكون اطخم ..تشوفه دايم متكشخ ويتروش كل يوم ويتعطر ..
لسانه معسول وهالشي مخليه مخقق كل بنات الحاره ..
(( مستقبله ))
يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير
مثال على ذلك
ــــــــــــــــــــــــــــــــــــــــــــ
(( بزر دلوع ))
غالباً مايكون تربية عجز .. مدلع حتى اخر قطره ..
.. لكنه للأسف سريع البكاء (( لو تقول له كيف الحال قعد يبكي ))
(( مستقبله ))
يستمر دلوع الين يتزوج ويصير خاتم في اصبع حرمته
مثال على ذلك
ــــــــــــــــــــــــــــــــــــــــــــ
(( البزر المهايطي ))
تعريفه
هو البزر الذي يهايط وهو ماعنده ماعند جدتي يكون عرضه
للتصفيق والتكفيخ نظراً لمهايطاته الدائمه
(( مستقبله ))
يستمر مهايطياً للأبد وقد يفقد حياته بسبب الهياط..
مثال على ذلك
ــــــــــــــــــــــــــــــــــــــــــــ
(( البزر العصبي ))
هذا البزر نارٍ شابه على قولتهم معصب 24 ساعه يستحسن أن (( يكتب بالقرب منه خطر ))
(( مستقبله ))
مراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد ..
مثال على ذلك
ــــــــــــــــــــــــــــــــــــــــــــ
(( البزر الملقوف ))
هالبزر عكوز بكوز في كل مكان مركوز ... لا تستبعد ان تجده في أي مكان
(( مستقبله ))
بيجيب العيد وماظنتي بيصير له مستقبل ..
مثال على ذلك
ــــــــــــــــــــــــــــــــــــــــــــ
(( البزر الدافور ))
هذا البزر دائما متفوق في دراسته دائما يحب يتعلم ويتثقف
هالعينه نادره في السعوديه طبعاً
<< هـذي آنـآ << لـآ يكثـر >> آقرررب بـآب
(( مستقبله ))
دكتور .. مهندس .. او أي شي زين أما إذا كان
(( عندنا بالسعوديه فآخرته مصكوك بعين .. والله اعلم ))
ــــــــــــــــــــــــــــــــــــــــــــ
(( البزر اللي عليه حركات ويسمى أيضاُ البزر المتميلح ))
هذا النوع خطير جداً ودايم يجيب المصايب
وهو من النوع اللي مايهرول عبث
(( مستقبله ))
احتمال يجيب العيد أيضاً
ــــــــــــــــــــــــــــــــــــــــــــ
(( البزر اللي حظه مقرود ))
هذا النوع من البزران اقل مايقال عنه انه مسكين حظه شين دايم
(( مستقبله ))
سيئ للغايه
ــــــــــــــــــــــــــــــــــــــــــــ
(( بزر دلخ ))
24 ساعه عند التلفزيون يتأثر على طول أي شي يشوفه يروح يسويه
(( مستقبله ))
مثال
ــــــــــــــــــــــــــــــــــــــــــــ
(( بزر رومانسي ))
راعي جو .. حساس ..
(( مستقبله ))
شاعر
مثال على ذلك ..
ــــــــــــــــــــــــــــــــــــــــــــ
(( البزر اللي مدري وش يبي ))
ماينعرف له مره تقول إنه ذيب مره تقول إنه دلخ
(( مستقبله ))
ياأنه يطلع ذيب أو يطلع دلخ وهذا المتوقع
مثال على ذلك..
ــــــــــــــــــــــــــــــــــــــــــــ
(( بزر اختلف العلماء في تسميته ))
(( مستقبله ))
طقاقه أو فنان كسرات
مثال على ذلك
هآه آي وآحــد كنتي منهم زماااااان . . ؟
