حبٍ يشيّب صاحبه ما بَعَدْ شاب
وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه
وحب يذوّب خافقٍ ما بعد ذاب
وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب
وحبٍ يزيدك رغبةٍ في الكتابه
وحبٍ حياته كلّها لوم وِعْتاب
وحبٍ حقيقي ما يضرّك عتابه
وحبٍ بلا معنى وحبٍ بلااسباب
يبدا غريب وينتهي في غرابه
وحبٍ ضعيفٍ مثل حبرٍ على كْتاب
تمحيه دمعه في ثواني كآبه
وحبٍ قويٍ مثل قصرٍ له ابواب
لو هبّ عاتيْ الريح ما اهتزبابه
وحبٍ بداية رحلته نظرة اعجاب
واخر مطافه مثل يومٍ بدا به
وحبٍ يعيش بداخل قْلوب الاحباب
وحبٍ يشيع وكل حَيٍ درى به
وحبٍ مقامه في ضلوع الصَدِرطاب
وحبٍ يعدّي مثل مرّ السحابه
وحبٍ على قبره نعق بوم وغْراب
وحبٍ تغنّى به لحون الربابه
وحبٍ بمقدارٍ وحبٍ بلاحْساب
وحبٍ بمعروفٍ وحبٍ نهابه
وحبٍ يعيش أهله وسط دارها غراب
ويموت قهر ويندفن في ترابه
وحبٍ غدا سرّه سوالف للاجناب
وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب
وحبٍ يشيب صاحبه في شبابه
الذاكرات @althakrat
محررة ذهبية
يلزم عليك تسجيل الدخول أولًا لكتابة تعليق.
وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه
وحب يذوّب خافقٍ ما بعد ذاب
راائعة
وحبٍ يدوم وصاحبه في غيابه
وحب يذوّب خافقٍ ما بعد ذاب
راائعة
الذاكرات
•
وحبٍ يغيب وصاحبه ما بَعَدْ غاب وحبٍ يدوم وصاحبه في غيابه وحب يذوّب خافقٍ ما بعد ذاب راائعةوحبٍ يغيب وصاحبه ما بَعَدْ غاب وحبٍ يدوم وصاحبه في غيابه وحب يذوّب خافقٍ ما بعد ذاب راائعة
حياّكِ الرحمن عزيزتي سوسن ،،،
الصفحة الأخيرة
تسلميييييييييييييييييييييييييين اختي
صدقيتي