أنواع الغراء" الصمغ "المستخدم في مختلف الأعمال الفنية|||| كلكم مطلوبين في الموضوع |||

السلام عليكم
أول شي ودي أقولكم اني متابعتكم من زمااااااااان وانكم جد فنانات :)
ودي أسألكم كم سؤال أتمنى تفيدون اختكم فيها :

1 عندي خرز وودي ألصقه على قماش مابي خياطة ماقدر اخيط الخرز لاني ماقدر افتح الفستان واخيط من الداخل "واذا عندكم طريقة سهلة لخياطة الخرز مو مشكلة زودوني بالطريقة "
فهل هناك صمغ معين يستخدم للصق الخرز على القماش ؟ وهل ينفع المسدس الشمعي ؟ اخاف انه المسدس الشمعي مايثبت الخرز لفترة طويلة

2 ابي بعد صمغ اقدر الصق فيه خرز واوراق وبلاستيك على الخشب " باستخدمه على ادراج وطاولات غرفتي " شنو اسم هلصمغ ؟ انا شفت في المحل غراء خشب بس شكله ثقيل فماخذته لاني اخاف يبان الصمغ ويخرب شكل الخرز وفي بالمحل بعد صمغ صغير حيل كانه قطارة فمادي هل ينفع هذا ؟ زودوني باسماء الصمغ المناسب وانواع اللي تسخدمونهم اتمنى كل وحدة تدخل تكتب نوع اللي تستخدمه والطريقة

3 ابي بعد تكتبون لي انواع الصمغ المستخدم لمختلف الاعمال الفنية وكيفية استخدام كل منها لان بعضها يحتاج تخفيف بماء على ماعتقد صح ؟ يعني مثلا الغراء اللي يناسب الجدار والغراء المناسب للصق الخرز على الحديد الى اخره اتمنى تحطون لي أنواع الغراء والصمغ واستخداماته لانه عندي شغلات وايد واعمال وايد ناطرتني في البيت وانا عليمية وودي استفيد من خبراتكم

اتمنى ماكون ثقلت عليكم وميرسي مقدما على المساعدة :)