أنواع الكنافه

كـنـــــــــــــافه بالقشطه

نبدا بقشطة الحشوه اذا حبيتيها تكون قشطه طازجه اوتخلطي
2ملعقه نشاء
2ملعقه دقيق 
4ملاعق حليب
1/4ك سكر واذا تبغي تزيدي
2كاس ماء وفانيلا
تخلط مع بعض وتوضع على النار تثقلواذا تحتاج ماء زيديها
نفرك 1/2كيلو من الكنافه او اقل على حسب الصنيه
بالزيت حتى تتشرب لان الزبده تحترق و يطلع لها ريحه 
نرص في الصنيه حبات الكاجو كا زينه 
ونضع الكنافه برفق على الكاجو ونضغط عليها
نضع على الكنافه القشطه
ونغطي القشطه بالكنافه
وتدخل الفرن حتى تحمر وتسقى بالشيره بارده على طول
وتقلب في صحن التحضير وترش بالشيره
ومن الداخل




ميني كـــــــنـافه
اول راح تكون الحشوه مثل ماتحبين
انا حشيتها مكسرات مجروشه الموجود عندك
قليل من الشيره وفانيلا وشوي سكر
نضع كنافه مفروكه بالزيت في القوالب الصغيره ونضغط عليها الحشوه ونغطيها بطبقه من الكنافه
وتدخل الفرن لتحميرها








الكــــــــــــنافه المبرومه
هنا تكون الكنافه شعرها طويل يعني حاولي تكون خصله وحده
ونقصها
وناخذ خصله وحده وتكون رقيقه شوي وبطول ملعقة اكل ونحشيها قشطه 
ونلفها مثل الرول
نرصها في صنيه وتكون جنب بعض
ونصب عليها تقريبا اكثر من نص كوب زيت العربي للقلي علشان الزيت يتحمل و مايحترق 
وتدخل الفرن 
بعد ماخرجناها من الفرن نصفيها من الزيت بسرعه
ونصب عليها الشيره ونزينها بالفستق








الكــــــــــــــــنافه النابلسيه
نضع في زبديه قليل من الزيت وملعقه من السمن النباتي
وقليل من صفار الزعفران ونخلطهم مع بعض
ونضع عليه الكنافه وتفرك حتى تتشربه وتاخذ اللون
ونرص الكنافه في الصنيه
ونضع عليها جبن عكاوي 
((الجبن العكاوي شديد الملوحه لزم ينقع في ماء اكثر من مره حتى يغسل من الملح))
بعد كذا ممكن انك تدخليها الفرن من تحت بس حتى تتحمر وتذوب الجبنه واذا خرجتيها تقلبيها وتسقيها شيره
او
تغطيها بطبقه رقيقه من الكنافه وتخليها الفرن
وبعد النضج تقلب وتسقى شيره




اقماع الكنافه
ناخذ خصله رقيقه من الكنافه ونلفها على القمع
ونلصق طرفها بقليل من خليط الماء والدقيق ويكون سايل مره
ونرصها في صنية الفرن
ونشرب كل قمع كنافه ملعقتين زيت
وتدخل الفرن
وبعد ماتخرج لك حرية الاختيار في الحشوه
انا هنا حشيتها دريم ويب وممكن انك تحشيها كريمة خفق الي تبين



وبالهناء والعافيه