يا ايماااااااااااااااااااااااااااااان :)

السلام عليكم ورحمة الله وبركاته
ارجو المعذرة لعدم تمكنى من التواجد المستمر وان شاء الله اكمل قريبا جدا
ام منه يا أهلا بيكى نورتينى ومن عنيه
الحقيقه انا عملت بلوفرات اولادى كتير لأخى ولكن بتقسيم انواع غرز وكانت جميلة
كمثال ممكن تعملى البلوفر الكم والظهر بغرزة الرزه والصدر يقسم الى ثلاث انواع غرزة الرزه وضفيرة من الجانبين والوسط غرزة الحمصه

ممكن يكون شكل مربعات صغيرة غرز عدل ومقلوب
فهل تريدين افكار مثل ذلك ام تحتاجين الى انواع غرز للاختيار وانا تحت امرك واعدك بأن انزل مجموعة غرز جديدة اولادى ورجالى قريبا جدا ومخصوص لكى واى سؤال انا ان شاء الله ارد عليه واهلا بيكى مرة تانية

دون اهلا اهلا معلش سامحينى على التأخير فى الرد

غرزة الحمصه

مضاعف رقم 4 ويضاف إليها 4 غرز للحافه
سطر1: (خلف الشغل) 2عدل ثم * يتم شغل (1 عدل، 1 مقلوب، 1 عدل) فى الغرزة التالية أى ثلاث غرز فى غرزه واحده - الفتلة إلى الأمام وأشتغلى الثلاث غرز التالية معا فى غرزة واحده والفالة إلى الخلف * كررى ما بين علامتى النجمه إلى آخر السطر ثم اشتغلى اغرزتين الأخيرة عدل
سطر 2: كل مقلوب
سطر 3: 2عدل ثم * 3 مقلوب معا، ثم (1ع ، 1م، 1ع) من الغرزة التالية والفتلة إلى الأمام* ونكرر ما بين العلامه إلى آخر السطر والنهاية 2 عدل.
سطر 4: كله مقلوب
سطر 5: نكرر من السطر الأول
وهكذا

أرجو انها تعجبكم

أم منه ممكن كمان غرزة مضلعه مجوله
أو غرزه الرايه
انا الحقيقه مش عندى عينه انزلك صورتها لكن هنزل الطريقة واحاول اشوف عينها انزلها

غرزة الرايه

يقبل عدد الغرز القسمه على 10

سطر 1: 2 مقلوب ثم 8 عدل ونكرر لنهاية السطر
سطر2: 7 مقلوب و3 عدل ونكرر للنهاية
سطر 3: 4 م 6 ع ونكرر
سطر 4: 5 م وم ع ونكرر
سطر 5: 6 م 4 ع ونكرر
سطر 6: 3 م و 7 ع ونكرر
سطر 7: 8 م 2 ع ونكرر
سطر 8: يكرر سطر 6
سطر 9: يكرر سطر 5
سطر 10: يكرر سطر 4
سطر 11: يكرر سطر 3
سطر 12: يكرر سطر 2
سطر 13: يكرر من السطر الأول
وهكذا