معلهش انا عندي سؤال ابني عمره سنه اجيب خيط اد ايه لبروفل وعايزه كمان ادخل لونين في بعض كمان سمعت انه ينفع ادخل لون تاني بالطول نفسي اجربها لو عندك فكره وكمان غرزه يا ريت تقوليهالي معلهش انا غلسه قوي وطلباتي كتير ولكني طمعانه في مساعدتك ليا وشكرا

لا يا حبيتى انت مش غلسه انت عسوله وانا قلتلك انا تحت امرك وانا قد كلمتى ان شاء الله لعمر سنه هتحتاجى شلتين فقط حجم 100جمواختارى اللونين الكونترست يعنى ضد بعض يعنى ازرق فاتح مع بمبى او اصفر -اخضرزاهى مع برتقالى-ابيض معه اسود-موف مع بمبى -والغرزة الافضل فى التريكو فى لبس الرجالى او الاولادى هى ضلع السمكه وبتكون مناسبه جدا للاطفال لانها مطاطه يعنى ممكن البلوفر يلبسه لحد 3 سنوات او كتر وكل ما يطول الطفل بتفكى التقفيل وتزيدى كام سطر وتقفلى تانى بيكبر معاكى البلوفى باقل مجهود وانت عارفه ان الشغل اليدوى متين ويورث لالجيال اما عن تداخل الالوان بالطول ده كان سؤالى للاخت سرارى والى الان لم اجد اجابه على فكرة انا تلميذة المنتدى لكن جربت اشياء عديده وظبطت وطلعت خطيرة عشان كده حبيت اساعد اساتذتى واجاوب على اللى اعرفه من زميلاتى العزاءالمهم انا لسه عاوزة اعرف التداخل للالوان بالطول زيك بالظبط ويا ريت الاستاذة يوكو ترد علينا

السلام عليكم ورحمة الله وبركاته
أم آمنة ارجو ان الغرزة تكون ضبطت معك
مشكورة اختى تسنيم على السؤال وآسفه لتغيبى لظروف وانا تحت امركم
الأخت رشا اهلا بيكى وسوف احاول انزل ليكى افكار مختلفة للأطفال ان شاء الله تعجبك
بترفلاى اهلا بيكى حبيبتى نورتى ومشكورة لذوقك

اهلا بيكى يا جاسيكا ونورتى صفحتك نو رتى المنتدى كله متتاخريش عننا كتير كده

رشا انا عرفت طريقة تداخل الالوان بالطول بس لازم تكونى شطورة اوى ومركزة عشان الدنيا متطلخبتش منك وتضطرى تفكى-شوفى يا قمر انت هتشبكى اللون من الخلف وكل ما تحبى تغيرى اللون هتلفيه على اللون اللى كنتى شغاله بيه من الخلف يعنى هتعملى الخيطين على بعض علامة xمن خلف العمل لو فهمتينى خير لو محصلش قوليلى ابسط اكتر لانى حاسه انى مش عارفه اشرح وياريت استاذتنا يوكو توضحلنا بالصور عشان انا مبعرفش اعمل صور والله