الصراحة الموضوع يشهييي ويفتح النفس على الاكل
انا رح اكتب وصفتي وانشالله رح تعجبكم وراح تعجب الاولاد اكثر من الكبار .
انا اسويها لاولادي ويشربون منها دائما ولا يشبعون منه الخلطة سهلة جدا وهي:
كوب حليب من حليب المراعي (انا افضل هالحليب لانه احس طعمه غير عن الباقي)
وينضاف عليه شوبة من شربة الوردالمركز طبعا الحليب بارد
ويحرك لين يصير لونة وردي شوية غامق مو فاتح واجد يقدم للاطفال جدا رح يفرحون لما يشربونه
حتى الكبار رح يستانسون عليه جربو ودعولي
تحياتي ومشكوووووورة اختي (وحدة كوووول):cook:

مشكور ةام راشد وشيخة فعلا هذى الطريقة اللى شفتها بالمسلسل وفى طرق حلوة وتهبل للحليب وبما ان الشتاء قرب فقرب وقت الحليب الدافى وانا احب اشربه قبل النوم ادفى .. ولما نسهر بالليل مع الاهل له متعة جميلة وحلو تفاعلكم يا بنات ومشكورة يا كوووووول حطيتى موضوع جديد وحلو . بس سؤال ليش الشاى اللى قالت عنه ام راشد اسمه شاى كرك؟؟؟ اسم غريب؟؟:27: :cook: :27: :27:

هذا شاي الهنود والله ما ادري ليش سموه جذه ههههههههه:26:

السلام عليكم ورحمة الله وبركاته

اشلونكم خواتي؟؟

كل الطرق حلوة وغريبة علينا ..لكن .... ما تلاحظون انها تسمن...

الاخت بنت كيفان :
اغلبية البيوت القطرية تقوم باعداد شاي الكرك او الحليب بالزعفران ويتم تناوله بعد اذان المغرب ..تدرين لان الجميع يكون مجتمع بالبيت..

شاي الكرك اللي شفتيه في المسلسل القطري هو تصوير للواقع تخيلي يعني حتى طبايعنا في شرب الشاي ونوعية الشاي ناقلينها ..
عموما بدون ما ادخل في تفاصيل المسلسل .. شاي الكرك هو الشاي الهندي واسم كرك هو اسم هندي حيث يتم وضع الماء في الابريق بالكمية المرغوب فيها ووضع السكر والشاي ويفضل الشاي الورق يعني مهب شاي ليبتون وغيره لا قصدي الحبوب اللي غالبا مايكون نثري في العلبة وهو يكون من انواع معينة ..احنا في العايلة عادة نستعمل :
شاي تاتا او شاي ريدليبل الورق او شاي lionاو اي شاي تحسين انه ورق بس هندي عاد ..
عموما تتركينة حتى يغلى بعدين تضيفين علية وحدة من الحليب اللي هو حليب كامل ويكون اما قوس قزح او وادي فاطمة او حتى في قطر عندنا تموين قطر وهو خفيف مهب دسم مثل غيره .
وبعد الحليب تهدين النار وتتركينه يغلي مرة ثانية بس مع المراقبة الشديدة حتى بتشعرين ان لونه اغمق اشوي وبعدين تصبينه ...وبالهنا والعافية

انا سردت لج الطريقة بالتفصيل حتى على فكرة احنا عندنا بعض الكافتريات الصغيرة صايرة تسويه لا ولا يفوتج تراها مشهورة تلقينه لاصق ورقة كاتب انه يبيع هالنوع ..
وبصراحة ..سمعت يقولون في بعض الكافتيريات تضيف له ملعقة صغيرة سيريلاك اطفال بس ما جربته..

على فكرة تراه حلو وخصوصا الرجال ما ادري يحبونه..
وعلى فكرة احيانا نضيف عليه الشاي المعطر اللي علبته معدن صغيرة واسمه ايرل غراي في كل مكان يبيعونه ..بس كمية جدا قليلة لانه شاي معطر بس طرف الملعقة الصغيرة..

بس تعبت ..شرح ابغي احد يشربني شاي كرك اللحين..
لا يفوتكم بنات بعد الافطار في رمضان شربوة وادعو لي ..احنا المجالس "ديوانيات" الرجال تعج بزمزميات "دلال" او "ترامس" الشاي والقهوة ..

عموما ان شاء الله اني نفعتكم بهالكم كلمة
وحاضرين نسوي لكم ونرسله بس بتوصل لكم الدلة فاضية لانها بتنكب الى ما توصل لكم ..
بس عندي اقتراح نجتمع يوم من الايام هنا وكل وحدة تذوق خويتها كوب من شايها..
ترى الشاي الكرك ينشرب بكوب ممهب باستكانات صغيرة ...هاهاهاها
اتغشمر معاكم طبعا كل واحد وذوقه احنا بالبيت عادة نشربه بالاستاكانات الكبيرة تعرفونها يمكن ..لو اقدر اصورهم لكم كان عملتها ...

في امان الله

يعطيك العافيه