انا من رأي سراب 24

انتي مو ضامنه لو نويتي تحملي هلا ولا ضامنة بعدين

ما دام ابنك وحيد توكلي على الله الله ييسرلك

اذا فعلا التاجيل بيكون لمدة سنه فاجليها .. تعب عليك وضعكم القادم الله يكون بعونكم .

ليش تجازفي بحمل وتعب وسفريات وغربه ولك فرصه للتاجيل؟

والله ماقلت لك هالكلام الا وانا متاخره سنه عن الحمل لكن لما حملت جاني نزيف وتعب وطلق بالشهر الاول .

ومنعتني الطبيبه منعا باتا من الاجهاد او المشي او وظائف البيت وخصوصا السفر .. قالت لك لو الحمل عزيز عليك ضحي بكل شي عشانه والا راح يروح منك .


تخيلي يحصل لك مثل هالمشاكل لاسمح الله وانتي بغربه ووحده ووحم وارهاق ولازم تمشي بابنك للمدرسه ، ثم تجلسي تعضي اصابع الندم على خسارة الحمل لاسمح الله .

اذا همك على ولدك ان شاء الله بيكون السنه القادمه افضل بكثير في نضج عقليته وتفكيره واختلاطه باطفال من عمره .. ويساعدك على تربيته معك ويستمتع بوجود طفل معه بالبيت بدل الحزن او الغيرة منه .

ربي يسهل عليكم اموركم ويرزقك من حيث لاتحتسبين .


وبعدها اذا الظروف جيده فاحملي مره اخرى باسرع وقت حتى مايكون الفارق بين الثاني والثالث كبير .

كذا ولا كذا لو جبتي بيبي حيكون الفرق بينه وبين اخوه كبير وسنه مارح تفرق كثير ،،


اهم شي الاستقرار ، يعني لو زوجك بعد سنه بتضبط اموره الافضل تاجلي ،،


بس لو زوجك شغله كذا ومارح يكون فيه استقرار فتره طويله يعني اوضاعك رح تكون متبخبطه فتره طويله فاحملي ،،


ولاتنسي الاستخاره،،

انا برايي التاجيل بيكون لمدة سنه يعتي مو فتره طويله وكذا ولا كذا ترا فيه فرق يعتبر من الحين كبير بين ولدك والبيبي الي بيجي لان عمره الحين 4 على ما تحملين وتولدين اقل شيء بيصر خمسه يعني هذا كبير ويفهم وهذاك يبغاله اقل شيء ثلاث سنوات علشان يبدا يفهم يلعب فانا اقول اجلي لين تستقر امورك ولا تتعبين وتدخلين في معاناة انتي في غنى عنها ،،

من راي انا بعد اجلي الفرق سنه وقبل ماتنقلون بشهرين احملي لان مشاءالله ولدك كبير ولو جبتي النونو صغير ماراح يلعب معه او شي اهم شي راحتك لان الوحام جد تعب وماتتحملين لاولد ولازوج