صح هو مرض وراثي، إذا الأم حاملة المرض والأب حامل المرض نسبة إصابة الأبناء بالمرض ٢٥% ونسبة حملهم للمرض ٥٠%، ونسبة اصابة الذكور اكثر من الاناث، طبعا الحامل للمرض ما يتعب بس إنه يورث الجين نفسه للعيال والأحسن ما يتزوج من شخص حامل للمرض عشان ما ينصابون عيالهم بالمرض، عموما المرض مب خطير في حال الامتناع عن بعض الاغذية اللي تسبب الأعراض ويقدر الإنسان يتعايش معاه فماشوف إنج تمتنعين عن الإنجاب لكن لما تنجبين اطلبي التحليل عشان تعرفين اذا كان المولود مصاب او لا وتعرفين حق نوعية غذاءه

الله يشفيه ويعافيه… الحين انيميا الفول هل هي نفسها الثلاسيميا ولافيه اختلاف؟؟

ليش توقفي الحمل حمدلله ماهو خطير يتجنب الاكل اللي يكسر الدم وماعليه ان شاءالله انا فيني انيميا الفول وعندي ولد وبنت والحين حامل الحمدلله ربي يحميهم ويحفظهم من كل شر علميهم الاكل اللي يتجنبوه وخلاص هم يصيرون يعرفون