أني الغلطانه لوصديقتي

احب اسمع وجهات نظركم بهذا الموضوع: أني فتاه عراقيه تخرجت من كليتي بجامعه من جامعات العراق وكنت من الاوائل وقدمت على الماجستير وانقبلت وبسبب الظروف الي مر بيها بلدنا أظطريت ان أنقل الدراسه الى جامعه ثانيه في محافظه ثانيه بالبلد وهذا الموضوع سببلي تعب لانه كنت ممتأقلمه على الجو بالجامعه الاخرى تعرفت على صديقه هيه بهاي الكليه تكبرني 15 سنه وكلش تعلقت بيها وصارت صديقتي وخصوصا أني بعيده عن أهلي وأني أصلا ماعندي خوات وحيده أهلي بس متصورون شكد حبيت هذي الانسانه حسبتها صديقتي وأختي وقربتها من حياتي وهيه كانت كلش لطيفه ويايه وساعدتني في هاي المرحله الصعبه من حياتي,الموضوع يبدي هنانه كنت دائما أتصل بيها وأسأل عنها ومن تصير عدها أي مناسبه كنت أول وحده تجيبلها الهدايا وتسأل عنها وكانت دائما تكولي ان شاءالله تيجين تزوريني وكانت دائما تكولي انتي أقرب صديقه اليه بس ولامره عزمتني عدها بالبيت رغم اني دعيتها أكثر من مره تيجي تزور مدينتي وأستضيفها عندي في بيتي مره أشهر وكانت دائما تتعذر بحجه امتحانات بناتها او ظروف ثانيه .وحصلتلي خيبه الامل الكبيره منها لما جتي والدتي وحبت تسلم عليها وتشكرها على موقفها الانساني ويه بنتها فطلبت منها تيجي للكليه علمود تشوف ماما فتهزمت بأسلوب كلش سخيف رغم أني كنت دائما أخلي ماما تسلم عليها يالتلفون, كلش تأذيت وتعبني هذا الموضوع بوكتها وبعدين كلتلي أحدى صديقاتي بأنها تخاف على زوجها منج وحسيت كلام هذي البنيه صحيح معقوله أنسانه كلش حبيتها وكانت ويايه سنه ونص يوم بيوم نسولف وناكل سويه ونكضي وكت كلش حلو تخاف من أكثر وحده حبتها وكانت مستعده تضحي هوايه من أجل هذه الصداقه,والله خواتي أني متألمه حيل شنو ذنبي أذا كنت جميله وروحي حلوه كلش شعور مؤلم الوحده بينا لما تشعر نفسها المتزوجات يخافون منها مو لذنب غير بس كونها بشوشه ومحترمه بس ملتقيت بالانسان الي يستاهلني لحد الان,أريد أعرف أرائكم أبطل أتصال بهاي الصديقه وأقطع علاقتي بيها ؟ بس والله أني متألمه هوايه وكلش يعز عليه بعدها عني:icon33: