أن شاء الله بنقل من بيت لبيت ثاني وساعدوني الله يساعدكم

شوفي انا سمعت ( ماجربت ) ان فيه شركات متخصصه انت ما تشيلين الا ملابسك والعاب عيالك والاشياء الثمينه وهم يتكفلون بالباقي من الاشياء ( اثاث . مطبخ . ادوات كهربائيه ويعطونك ضمان ) بس لازم يكون فيه احد فوق راسهم علشان الامان منهم


عني طلعت اول الشهر هذا من بيت حمولتي واستقليت

الملابس حطيتها في اكياس ثم جوى كرتين واسكر عليها بالكلاد ( اللزاق )

الاشياء الكهربائيه الخاصه بالكمبيوتر احطها بكرتون واشيلها بنفسي ( موسوسه خخخخخخخ)

المكياج في شنط

ملابس الاطفال نفس الطريقه في اكياس ثم كراتين

الكتب : كراتين

تقريبا كلش في كراتين بس بعضها يكون حساس واحط اشياء قليله واحط بينها واقي او قماش علشان ما ينكسر واكتب فوقه قابل للكسر ),,,,,,,,,,,,,, واكتب فوق كل كرتون وين يحطونه يعني ( غرفة الاطفال , غرفة نوم رئيسيه , مطبخ , صالة )

والله يعينك على النقل تعب وشغله وموووت

طيب واللي تعطيك حل يريحك

انا لي شهرين ساكنه بيت جديد

ماشلت الا ملابسي وملابس زوجي ولدي

والباقي جت شركه وشالتها

واحلى شي فيهم كل شي يشولونه يكتبون عليه

اهم شي جيبي شركات معروفه لاتجبين العمال اللي بدينا يضفون اغراضك

ويستحسن شركات اختصاصها فك وتركيب الاثاث

لانهم بيحرصون على اثاثك اكثر

والاشياء اللي خايفه تتكسر لفيها بجريده وانتي شيليها

والله يعينك على التعب

أنا بعد لي شهرين ناقله بيت جديد

أول شي عملته الملابس حطيتها بكيس ثم كرتون وحطيت على ملابسي علامه وعلى ملابس أطفالي علامه وكل شي حطيته بالكراتين حطيت عليه علامه عشان أعرفه هذا شي


الشي الثاني نجي لأغراض المطبخ نفس الشي وضعتهم في كراتين ولكن جمعت جرايد

وكل صحن لفيته بقطعت جريده ثم وضعته في الكرتون حتى الأاكواب والكاسات

والأأدوات الكهربائيه لفيتها في منشفه ثم وضعتها في كرتون

المهم كل شي أصبح في كراتين أدوات المكياج حقتي وضعتها في كيس ووضعتها بين ملابسي تعرفين إذا فيه قزاز مثل كريم ألأاساس أخاف ينكسر فأفضل مكان له بين الملابس اللي وضعتها بكراتين

ويبقى عندك التلفزيون والكمبيوتر هذا حطيت عليهم أكياس ولزق

وخلاص الباقي مثل الغرف والأاسره جت شركه وشالته بس تبين الجد لازم زوجك يوقف فوق راسهم

لأنهم يعدمون الأاثاث وانا جربت الشي هذا مع ثلاث شركات لأني تنقلت كذا مره يعني يبيلهم متابعه خصوصاً في التركيب مره ثانيه

يركبون أي كلام بس يبون يخلصون يعني مايربطون الصواميل زين تلاقي الدولاب يهتز لذالك ركزوا على هذه النقطه

وبتوفيق ومنزل مبارك

اختي اذا ميزانيتك تسمح جيبي الشركه اللي قالولك البنات وتلاقين اعلاناتهم كل يوم بالجرايد واذا ماتقدرين سمي بالله واعتمدي على نفسك
اول ماتبدين فيه الااشياء الي ماتحتاجينها كثير وخلي الاشياء اللي تستخدمينها يوميا مثل ملابسكم ومواعينك الي كل يوم تستخدمينه اخر شي مثلا
جيبي اول شي كراتين كثيره تلقينها عند محلات اواني الجمله واللي يبيعون البيض وغيرهم يكون عندهم كراتين كبيره وابداي جمعي اغراضك فيهم اي شي زجاجي اكواب بيالات فناجيل اييييي شي تخافين ينكسر حتى التحف لفيه بجرايد قبل ماتحطيه بالكراتين وبعد استخدمي الفوط حقت المطبخ حطيها بارضية الكرتون عشان يكون واقي للزجاج من الكسر وايضا بين كل طبقه نحط فوطه مثلا حطيتي اكواب لين تعبى الكرتون افرشي فوطه وحطي باقي الاكواب وهكذا وممكن تستعملين اي شي اذا ماعدك فوط كافيه ممكن السجاد حق الصلاة والاشياء اللي تخافين عليها مثل الكمبيوتر شيليها بيدك يعني حطيها بسيارتكم وانتي نزليها البيت الجديد واهم شي انك تكتبين على كل كرتون محتوياته بالتفصييييل يعني لاتكتبين مواعين وبس لا اكتبي كل اللي موجود فيه مثلا بيالت الضيوف وطقم الملاعق وقوالب الكريما وهكذا طبعا هذا مثال وصدقيني مابتندمين لانه اذا رحتي للبيت الجديد ماتضطرين تفتحين كل الكراتين عشان تدورين على شي وكذلك الملابس اكتبي على الكراتين او الشنط ملابس صيف او ملابس شتاء او جزم الاولاد او اغراض التسريحه وهكذاوفيه بعد شي ثاني انك ترقمين الكراتين مثلا كل الكراتين اللي فيها اغراض المطبخ تحطين عليها رقم 1 واللي بغرفتك رقم 2وغرفة الاولاد 3 عشان وقت النقل كل الكراتين الي عليها الرقم نسه توضع في المكان المحدد بدال ما تكوم كلها في مكان واحد وتبلشين واهم شي قبل ماتنقلون الاغراض ينظف البيت الجديد بالكامل ويرش مبيد حشري عشان لارحتي بس تصفين اغراضك وماتطلع لك البلاوي واي شي ماتحتاجينه من اغراض وملابس نصيحه طلعيه كله قبل النقل يخفف عليك
ادري اني طولت بس والله ودي افيدك واي سؤال انا في الخدمه
ومنزل مبارك مسبقا

:angry: الله يعينك ومنزل مبارك ان شاء الله