اخي موضوع الخطب شي مو سهل خصوصا بالنسبه للبنات فالبنات في المجتمعات العربيه تجلس تستنه ابن الحلال اللي بدو وحده تناسبه . البنت تستنه فقط العروض اللي تجيلها . أنا ممن يؤيد المقوله"اخطب لبنتك و لا تخطب لا ابنك " و ليش اذا يكون هناك شخص أحس انه مكسب و ما يتفوت ليش ما يبادر له بواسطه الاهل او اي طريقه مناسبه لذك لا عيب و لا حرام .( وخلي الوحدة على الاقل هي اللي نتختار) واللي تستحي اقول لها المثل المصري "اللي اختشوا ما توا"
========================
لا يسود على المرء الا ما يجهله

















=

بصراحه انا اشك اللي خطبتهم يكونون بنات .. :D

اول وحده تبي جواز السفر !! ليه انشالله!! تفكيرها جدا جدا سطحي .. وجاهله ..

ثاني وحده .. عندها ثقه مدري من وين جايبتها .. اللي يسمعها يقول انك تعرفها وتحبها وتعزها ...

ثالث وحده .. مدري شتبي بالضبط .. مره واثقه تبي بيت لوحدها ..

بصراحه .. انت الكسبان وهم الخسرانات .. يالله لا تبلينا ..

وبصراحه اكثر شروطهم مره تعجيزيه .. وكلها مبنيه على الثقه الزايده..

الله يوفقك :)

اللى شدنى بالموضوع وعجبنى هو عنوانه
فعلاااااااااااااااا عنوان جدا بلييييييييييغ ..

لان قطار الزواج دهس الكثير والكثير..مو دهس وبس الا توطاها توطى لانى اعرف كثيرات يتزوجون فقط لأجل انها تكون متزوجه بغض النظر عن ارتياحها للزواج او للشخص اللى بتتزوجه .. وبعدها بكم سنه يتندمون
او تتطلق ومعها طفل ....... <----- هذى قمة المأساة .. وعاشت لها تجربه سيئه تأثر عليها لفترة ليست بالقصيره ...

والله انا أؤيد العنوان فقط .. هههههههههههههههههه لان الموضوع يعكس تجربة شخصية وليست فكره معممه على كل الناس .

رغم إني صرحت أنها المشاركة الأولى والأخيرة ( لكي لا أضايق بنات حواء في عالمهن) .. إلا إني اراني مجبر على الحضور للتعليق والمناقشة
وسـ أقول أنه الموضوع الأول والأخير


=-=-=-=-=-=-=-=-=-=-=-

روحــ لك ــي

شئ جميل جداً إننا ننظر للأمر من خلال الطرف الثاني
أنا في كل تجربة مريت فيها، كنت أجلس في غرفتي وأحاول أتقمص شخصية البنت
وأسال نفسي ( ليـــه؟ )

التبعية .. والتقليد ( الفارغ ) صدقتي هذي المشكلة .. مانبي شئ محدد لكن نشوف الناس وش يصلحون ونسوي مثلهم !
يعني مثلاً السفر بما أن المثال اللي صار معي .. أكيد مافيه بنت ما تحب السفر مع زوجها !
لكن برضه ترفض سفر زوجها ( قبل أن يرتبط ) لأن في بالها تصرفات كثير تسمعها عن الشباب في الخارج
وتسقط هذي التصرفات على المتقدم بدون تدقيق .. ( هل هو فعلاً مثلهم ؟ )
وزي ما قلتي أنتي ( ما فيه شئ مضمون) .. ممكن يطيح بالدخان بعد الزواج
لكن البنت المفروض ( تضمن ) أن الزوج قادر على التفاهم معها .. وهذا الأهم ..!!
لأن مو شرط أن كل العيوب اللي كانت فيني
( دخان وسفر ) .. أكيد في عيوب ثانيه
فلو عالجت العيوب ذي .. وتزوجت من أحدهم .. وهي اصلاً ما تعرف عن العيوب الباقية ( العصبية مثلاً ) .. ولا تعرف هل هي قادرة على المعالجة أو لا ؟

ولازم تكون نظرتنا في ( العمق ) مو ( السطح ) مثل ما قلتي
لأن شكل الأناء ما يدل على طيب المشروب !

شكــراً على الرد الجميل

=-=-=-=-=-=-=-=-=-=-=-

الأمل 2006

آمين يارب .!

=-=-=-=-=-=-=-=-=-=-=-

قوتشي

المؤمن كل أمره خير ..!
إن رزق فـ شكر .. فهو خير
وإن أبتلئ فـ صبر .. فهو خير
كان لي صديق ( نفسه اللي يتطمش علي في حفل الزفاف )
كل ما يسالني وش سويت ؟ وأقول له ما كتب الله نصيب
يرد علي بكلمة للحين أحس بأثرها في نفسي
( ربك كاتب لك خير كثيــــر .. بس أنتظر )
ما ذكرته أنا ليس ( اسباب تأخر الزواج )
ولا أستطيع بقلة علمي ومحدودية إطلاعي أن اصنف اسباب تأخر الزواج
هو مجرد تجربة مريت فيها وحبيت اشاركم بما فيها من عبر أو ما أظنه أن كذلك

وصدقيني أنا ما وضحت اللي صار بيني وبين ( البنت الثالثة ) بالكامل
لا يمكن أني أحكم عليها بالطريقة ذي
ومن تخطئ أصرف نظر عنها
بالعكس حاولت بشتى السبل إني اقنعها بالسكن مع أهلي ولكن اصرت
( ربما كانت نفسها ترسم لها شئ غير موجود )
يعني أتوقع أنها كانت تعتقد بما أني خطبتها وهي ( اكبر مني عمر وأقل تعليم ) إني داخل عن طريق إعجاب وعشق سري وراح أحقق لها كل طلباتها .. مهما كانت
والحوار عن الموضوع ذا استمر اكثر من اربع ايام بين اخذ ورد ومراسيل
يعني كانت فرصة كافيه أنها تفكر عدل
لكنها اصرت بعناد استغربت منه!

الله يرزقك بـ زوج صالح ويسخر لك قلبه

شكراً على الرد


=-=-=-=-=-=-=-=-=-=-=-


حبيبة أبوها

قد لا يكون العرض بطريقة ( غير مباشرة ) مثلاً عن طريق أخته أو أمه
ولكن الأكتفاء بالتلميح لـ الأخت أو الأم

مثلاً كأن تخبر البنت أمها و تتكلم أم البنت مع أم الولد بطريقة مزح أو تلميح خفيف يحفظ للكل كرامته، أو بأسلوب مازح
( ولدتس فلان كل من يتمناه ، إن ما تزوج خلال .... ، تراني بزوجه فلانه غصباً عنه )

وصدقيني في مجالس الرجال كثير يدور مثل هـ الكلام .. وأحياناً يكون تصريح مو تلميح
مثل اللي يقول لـ فلان بعد ما يسولفون عن العرس ( ابشر بعزك ، عروستك عندي )
ويكفي مثل هـ التلميح
وأعرف كثير خطبوا لـ خواتهم بطرق تصريح وتلميح أحياناً

شكراً على الرد

=-=-=-=-=-=-=-=-=-=-=-

ليالي الإمارات

أبعد الله عن قلوبنا حب الدنيا ومادياتها
اللهم لا تجعل الدنيا أكبر همنا ولا مبلغ علمنا


=-=-=-=-=-=-=-=-=-=-=-

أغلى وصال

بـ إنتظاركِ

=-=-=-=-=-=-=-=-=-=-=-

أنفاس الإيمان

آمين ..!


=-=-=-=-=-=-=-=-=-=-=-


rayooma2000

الزوج المثالي أو الرجل المثالي
( غير موجود )
الكل فيه عيوب .. المهم أن ما تكون العيوب تأثر على الدين أو الأخلاق ( مخدرات أو شغلات وصخة )
إذا الزوجة ما تغير زوجها وش يبي يغيره أجل .؟
إذا كان في وجودها في حياته مثل وجود
الذبابة اللي جلست على قرن الثور ولما جت تطير قالت له أنتبه تراني بطير .. قال أصلاً ما دريت أنك وقفتي عشان أعرف أنك تبي تطيري !!

وزي ما قلتي أنتي أنا فعلاً مؤمن أن من حق الزوجه على الزوج أنها ما تحصل معه ريحة دخان .. ولكن ما يظل هذا سبب كافي عشان ترفضه ( إذا كانت باقي صفاته زينه ) .. تحاول بطرق ( انتم النساء ) أكثر خبره مني بها .. تغيره وتخليه يترك الدخان .. مو بـ الحنه والهواش .. لا بالتشجيع وكلمات الشكر مثلاً ( أنا أعرف أن ترك الدخان يخلي جسمك تتعب .. وش كثر انا مستانسه عشان أنت تسوي كذا عشاني )
الرجل يحب المرأة اللي تتحدث عن فضله في أصغر شئ يسويه
تماماً مثل الطفل اللي ينتظر أحد يكافئة .. لأنه رسم سيكل بـ كفر واحد !!
ينتظر الكل يقول له رسمك حلو
والسؤال جداً مهم مثل ما تفضلتي .. بس مو تدقيق للبحث عن المثالي

شكراً لكِ


=-=-=-=-=-=-=-=-=-=-=-

nabila5050

تشوفين وش كثر الخطبات : )
وبصراحة كانت تسبب لي ( ألم )


جزاك الله خير على الدعاء الطيب
وأسأل الله لكِ التوفيق

لو البنت تجلس مع نفسها ( بعيد ) عن المؤثرات الخارجية من ( أهل، مجتمع،.. الخ ) وتوزن الأمور بعقلها صدقيني تبي تحصل أمور إيجابية ما توضح لها مع التأثير الخارجي اللي يصير

شكراً لكِ

=-=-=-=-=-=-=-=-=-=-=-

skillful

أتمنى فعلاً إني افدتك من تجربتي


وشكراً لك

=-=-=-=-=-=-=-=-=-=-=-


لي عودة لـ بقية الردود

لا فض فوك
:)