السلام عليكم ورحمة الله وبركاتة
اولآ:اخواتي الحبيبات اشكر من كل قلبي كل وحده ردت عليه في موضوعي السابق وهونت عليه الله يسعدكم ويهون عليكم ولايوريكم مكروه في حياتكم يااااااااارب:26:
هذه الكلمات أرسلتها لطليقي بعد ماطلقني وغدر فيني بكل معنى الغدر وأنا لساعي صغيرة عمري 18سنة وعندي ولد وبنت وهم دحين عند أبوهم وكلي ألم وحزن شديد
انتهت قصة غرامي وكل أيامي معاك
وانتهت لحظات شوقي لك وتاليها قهر
وانتهت كل السوالف والعواطف في هواك
وانتهت ذيك الليالي كنت أقضيها سهر
وانتهت ليه انتهت كل المشاعر في غلاك
وانتهى كل شي بلحظة كنت تطعني غدر
لاتلوم اللي تحبك وكنت أتمنى وفاك
لاتلوم اللي عطت لك قلب مامسه بشر
ولاتلوم اللي قتلها الهم من سبة جفاك
ولاتلوم اللي بكت لك دمعها كنه نهر
كنت أهديلك عيوني ماكفاك ياعيوني
كنت أتحمل غيابك واللحظة فبعدك شهر
كنت أموت انا بغرامك وكلامك وخطاك
كنت تظلمني وتخطي وأنا أدور لك العذر
كنت تسكن في ضلوعي وبروحي مايسكن سواك
كنت كل شي بحياتي وكنت لي شمس قمر
كنت تجرحني بكلامك وكنت تتعمد تراك
ليه تظلمني وتقسى وش هو قلبك ياحجر
ليه تغدر بي وتجرح وتنسى قلب مانساك
وليه تنسى تظحياتي وغرامي والشعر
لوأعرف ذنبي وخطاي وش ذنب قلب مانساك
لوأعرف ذنبي وخطاي لأحفر لنفسي قبر
وش حدني على العذاب وش حدني على هواك
وش حدني على هموم زرعت فيني القهر
كنت أحسبك لي الوفي وأرخصتلك روحي فداك
لوتبتسم افرح واشوف الدنيا بلون الزهر
كنت ابيك لي شريك وكنت ابي احيا معاك
وللأسف خيبت ظني فيك وضيعت العمر
ضحيت بالدنيا عشانك وفي الأخر قلبي بكاك
والحين أنا ضحية حب ومالي إلا الصبر
قلبي المطعون ينزف من سبايب سواياك
وروحي تتألم وتصرخ في غدرك والهجر
تشهد دموعي وعبرتي بعيون يغليها السهر
يكفي عذابي من غلاك ويكفي عذابي من جفاك
ويكفي همومي وحيرتي ودموعي وحزني صور
يكفيني اللي جاني منك ويكفيك اللي مني جاك
هذا اللي كاتبه ربي إني اشقى معاك
وهذي قسمتي وحظي وهذا هو حكم القدر
والحين روح ماعاد ابيك ولا ابي حتى طرياك
بودعك وارحل واشيل همومي وحزني دهر
بأنسى هواك واتناسى جرحك واتناساك
أنا عزوتي شمر وبهم يحق لي إني أفتخر
(حسبي الله ونعم الوكيل،اللهم أجرني في مصيبتي واخلف لي خيرا منها )
*راجية الفردوس* @ragy_alfrdos_9
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️