مرحبا بنات

حبيت أقول لكم عن تجربتي مع صالون جاك ديسانج في جدة

أنا جبتهم عندي في البيت في الملكة.. المكياج ندى (لبنانية) والتسريحة سمر (لبنانية) . المفروض انه هذول أعدل كوفيرات عندهم.. وأنا للأ سف ما كانت عندي خبرة في الصوالين

طبعا أنا رحت الصالون قبلها بفترة .. بالنسبة للمكياج عملت لي ندى رسمة العين وكان شكلها كويس , أما سمر فكان عندها صورة للتسريحة وقالت لي حأسوي لك هي نفسها بالضبط .. وهي ما تسوي بروفة بس بالصورة.
المهم المبلغ كان 5000 ريال , ودفعت لهم العربون اللي طلبوه.

قبل الملكة بيوم واحد بس اتصلت علي صاحبة المحل اسمها سامية (تقول انها سعودية بس لهجتها مصرية) المهم..
قالت لي: ما حأرسل لك الكوفيرات في الوقت اللي اتفقتي عليه معانا لأني أبغى أخليهم في المحل (محلها فاضي مسكينة لا كوفيرات عدلات ولا زبونات)
قلت لها: الملكة في البيت لأن احنا أهل نجد مانحب نسوي الملكة كبيرة و الزفة ما حتتأخر لأن الوالد قاضي كبير في المحكمة .. وما يرضى نأخرها.
حاولت تقنعني بكلام خرابيط وقالت لي: حيكونوا عندك الساعة 8 المساء
المشكلة انها ما قالت هذا الكلام من أول, لكن بعد ما اتفقنا وانتهينا .. انتظرت لين ليلة الملكة الساعة 11 مساء (عشان تكون الصوالين الثانية قفلت خلاص.. ويصير ما أقدر أدور غيرهم) عشان تغير كلامها مع أني دافعة لهم عربون 2500 ريال (لكن الطمع عاد.. الله يكفينا شره)
يوم الملكة أرسلت لهم السواق من بدري وجلس مسكين ينتظر ساعات وما وصل البيت غير الساعة 10 (مع أنها قالت الساعة 8 )
المهم عملت لي ندى الماكياج.. وهذه تعليقات اللي شافوه..

أنا عيوني أساسا واسعة يعني المفوض تطلع روعة بالرسمة... لكن... رسمة العين حقتها طلعتها صغيرة وما فيها أي جمال ( خسارة والله)
والماكياج كان أسمر (مع أني أنا بيضاااء وبشرتي ناعمة وصافية) وما فيه أي نعومة من ناحية الملمس أو اضاءه من ناحية الشكل (مع أني نبهت عليها في المحل, وقالت لي.. طبعا وأكيد)

أما التسريحة كانت OK ... بس انه سشوارهم ما كان مظبوط.. يعني من قدام الشعر ما كان مسشور زين ( كانت فيه تطعيجات مروا عليها بسرعة واستهبلوا.. مع أنه كانت معاهم وحدة مخصوصه للسشوار)

حتى المصورة قالت نفس الكلام بالنسبة للتسريحة والماكياج

والله منقهرة وزعلانة انه وحده جميلة جدا مثلي (والله العظيم مو غرور.. بس هذا رأي الجميع) تطلع كذا.. لأنه عادة كل البنات اللي ما هم جميلات أو متوسطات الجمال يطلعون ملكات جمال سواء في الملكة أو الزواج.
لكن عزائي الوحيد اني ما كنت أعرف صوالين زينة.

لكن ان شاء الله اختار كوفيرة زينة في الزواج.. ويطلع شكلي حلوووو يارب

عندي سؤال: هناء عطوفة تسوي تسريحات ولا بس ماكياج, ولو الاجابة نعم.. وش رأيكم فيها؟ وهل تنصحوني بها ولا في أحسن منها؟؟؟

الله يوفقكم أبغى الكل يقول رأيه حتى ما تتكرر مأساتي.. مشكورات مقدما

:26: :26: :26:

وين صالون الاماره اللى تقولوا عليه باى شارع ولا حى

انتظر الرد

ياجماعه والله العظيم اعرف اكثر من عشره اتصلحواعند صالون ريما وكان شغلهم يجنننننننننننننن مع اني اعرف صوالين شغلهم حلو مره في جده بس احسن شي شفته الي الان هو صالون ريما وسعر العروسه على الجواز معقول يعني ب2000 او 2500 والله مش متأكده لكن شغل رووووووووووعه وهي ليلة وحده يعني مالازم تضحي فيها ولازم تروحي تشوفي شغلهم قبل هالليله وانتي بنفسك تحكمي وبعد سمعت عن اماره لكن ؟؟؟؟
اما بالنسبه لا اميره الغامدي فانا مرة اخويه جابتها على الزواج كانت طيب شغلها لكن مش هاداك المستوى اللي شفناه عند ريما ..
والله يوفقكم انشا الله

يرفع للاهميه:26:

ريما في حي النهضه شغلهم توب في مكياج ذكره ولينا بس لينا للعريس وشعر ردينه انا مجربتهم قمه في الابدع:26: