أهلاً و سهلاً ,, و اللي تدخل تصك الباب وراها :) ,,

سلام عليكم يا فتيات حواء ,,

أولاً اسمحو لي ارحب بكم في مجلسنا المتواضع هذا :p ...









ها جلستو ؟ ؟ ؟؟
طيب ...
و الحين وش تبون آمرو ,, قهوة ,, ماي .. شاي !؟؟! .. كل شي موجود :32: لعيووونكم ..





طبعاً في مجلسنا هذا نرحب بكل الفتيات من جميع بلدان العالم ....
و بما أن اللـهجات تختلف من بلد لآخر ,,,

:22: يمكن..... أقول يمكن .. . شوي يعني مو وااايد ... ما نفهم على بعض في بعض الكلمات ,,

عشان جذي الله يسلمكم .... بنخصص قعدتنا في هذا الموضوع ( قصدي في هالمجلس ) .. للتعرف على الكلمات الخاصة بكل بلد .. و اللي تختلف عن البلدان الثانية ....



مثلاً : : عندنا في البحرين بعض المصطلحات . . اللي يمكن انتو ما تعرفوها لو تسمعوها من اي احد فينا,, لأنها كلمات من أيام أول ::

1. الدروازة : الباب الرئيسي للبيت ( مدخل البيت ) ,,
2. عمبلوس : اسعاف <<<< مقتبسة من الكلمة الانجليزية " أمبيولنس " ..
3. عرنجوش : عصير برتقال <<<< مقتبسة من الكلمة الانجليزية "أورانج جوس" ..
4. عرناص : الأناناس .
5. فشدغة : ضفدعة .
6. غيلمة : سلحفاة .
7. ميوه : الفواكه .


-- هذا اللي يحضرني الحين ..
** لي عودة أخرى بإذن الله **