أهلك ام زوجك ؟ من تختاري اذا اجبرتك الأمور ع اختيار أحدهما

بنات طبعا الزوج والأهل ما كان عمره شيء متعارض .. لكن أحيانا تجي ظرووف غريبة عجيبة تجعلهم متعارضين ..
انا زوجي طيب وحنون وما يقصر معي اخذته ما كنت مقتنعة فيه ولا أهلي كانوا مقتنعين فيه بس سبحان الله اذا كان نصيب ما تقدري ترديه بعد رفض متواصل لسنتين من طرف أهلي الا شاء الله وتم الزواج .. لكن بعد الزواج ب 9 شهور حصلت مشكلة بينه وبين أمي ووصلت للسب والشتم وكرهته أمي وقالت مستحيل اخلي بنتي تكمل معاه .. هو كمان ما قصر قال كلام ما ينقال .. المهم وانا كنت الضحية بين طرفين كنت ابي زوجي عشان بنتي لا تشتت .. حاولت تهدأ الامور ويرضوا الطرفين ورحت جلست 6 شهور عند أهلي ورفضت ارجع الا اذا جا زوجي واعتذر من امي وخلص المشاكل .. لكن حصل الاعتذار شكليا وفي القلب الكل شايل ع بعض .. رجعت لزوجي لكن كل واحد كاره الثاني وانا بينهم ابغى اهلي وابغى زوجي وبحكم اني بمدينة بعيدة عن أهلي صعبة ازورهم كل اسبوع .. اول شي جلست شهر ما زرت اهلي ابوي وامي جو زاروني وطلبوا مني اجي معاهم سالت زوجي رفض قال ما تروحين وقلت لاهلي زوجي رافض رجعوا شالوا ع زوجي المهم ومرت الايام يبغوني ازورهم اكلم زوجي انه ابغى ازور اهلي يرفض يقول بعد شهرين ثلاثة تروحي مو الحين اهلي ما اتحملوا قالوا اذا انت ما تقدر تجيبها نجي نأخذها ونرجعها بس ما تبعدها عننا .. جو اهلي وحصلت مشكلة كبيرة وزوجي سب أهلي واتضاربوا اخوي وزوجي واتدخلت الشرطة وانا كنت وقفت حيرانة ما عرفت اش اسوي وقلت للشرطة باجلس عند زوجي طبعا بعد ما سالوني تبغي اهلك ولا زوجك .. ومن هنا زوجي قال خلاص اهلك انسيهم ماراح تزوريهم ابدا الا بعد كم سنة منعني اكلم امي ويسب ويشتم في امي واهلي عموما .. تعب ابوي ودخل المستشفى هنا انجنيت ابغى ازوره منعني حاولت معاه كلمت ابوه ابوه اجبره انو يخليني ازوره لكن خلاني اروح بس بنتي اللي عمرها سنة منعني اخذها معي خليتها عنده ورحت ازور ابوية اطمنت ورجعت .. وغير كذا اذا عرف اني مكلمه اهلي يضربني يسب في امي ويتشمت في ابوية ومرضه والحين ما نعني من زيارة اهلي ويخيرني بينه وبين اهلي واذا تبغي اهلك اتنازلي عن البنت وروحي ..


بنات انا في حيييرة شديدة هو طيب لكن سيئ جدا مع اهلي ما يبغى سيرتهم وغير السب والشتم لأهلي .. ساعدوني اش أعمل .. وبالمقابل اهلي بيقولوا تعالي زورينا كل مدة ما نمنعك ترجعي لكن خليك متواصلة معانا انتي وبنتك
تعبببت .. ما اتحمل لما يسب أمي بابشع السبات ويتشمت في ابوي ..