هذي البطاطس من أحلى المقبلات ومررره تزبط ماشاء الله وسههههله جربوها واكيد حتعجبكم
بسم الله نبدأ
اول شيء نقطع البطاطس بقشرها انا قطعت 3 حبات كبار >>>
وبعدين نجهز التتبيله ومقادير التتبيله كالآتي :
ملعقتين كبار زيت زيتون وملعقه صغيره ملح وفلفل اسود وكمون <<< ماصورتهم
و نجهز الخلطه السريه والي هي :
ملعقه صغيره بابريكا
3 فصوص ثوم مدقوقه
ونصف ليمونه معصوره وملعقه صغيره من بشر قشرة الليمون
ملعقه صغيره مسحوق الثوم
ملعقه صغيره كاري
ملعقه كبيره دبس رمان
يتــــــــــبع
ونضيف عليهم البطاطس
ونخليها اقل شيء ساعه وبعدين نحطها بصينيه ونحطها بالفرن ونولع عليها من فوق بس ونخليها نص ساعه مع تحريك الصينيه كل شوي عشان تتحمر البطاطس زين وبس بعدين قدميها مع الكاتشب والمايونيز
وكمان ممكن تقدمي معاها صوص لذيذ الي هو ملعقتين زبادي + ملعقه مايونيز + ملعقه صغيره خردل + فص صغير ثوم وحطيه بالخلاط
وبالهناء والعافيه
وهذا الصحن لأول وحده ترد
جربوها وصدقوني راح تدمنوا عليها :cook:
بنات اول مره اشارك بليز لا تخذلوني طبقوها والله تراااها تجنن وابو الشباب واهلي كلهم ادمنوا عليها ودايما يطلبوها مني
يالله ياحلوات انا حاضره لأي استفسار واشوف وشكم بخير باااي