والله شي صعب ومهين ان الوحده تتزوج دون موافقه اهل زوجها وحضورهم..مو شي عادي!!

مثل ما الريال يسأل عن البنت واهلها..بعد الزوجه يهمها الريال وأهله..لأنهم بيصيرون اهلها واهل اعيالها


يعني هذا رفض واضح لها..و وبعدها بيرفضون اي تواصل معاها ويرفضون اعيالها بعد..

هالشي ان دل يدل على حبهم لزوجته الأولى واخلاقها العاليه وانها مومقصره بشي و لا قاصرها شي عشان يوافقون يتزوج عليها..

ولها خاطر عندهم..ولاراضين يكدرونها ويزعلونها..وفضلوا خاطرها على خاطر ولدهم..ووقفوا معاها ضد ولدهم ورغبته بالزواج!!


يعني تبشر بالمشاكل ..بتواجه زوجته وغيرتها واهله فوقهم..واول ضحيه للمشاكل معروف طبعا الزوجه الثانيه...

اذا اهي صغيره مو مجبوره على الزواج هذا..اذا مواصفاته حلوه..في بعد شباب عزاب مواصفاتهم احلى والأهم لها

بروحها لا زوجه ولا اعيال ولا مسؤليات ولا اهل رافضينها ولا غيره تحرق قلبها..

وبعدين منو قال اذا رفضته لازم يتزوج غيرها@@ يا ما رجال خطبوا وتراجعوا وراحت فكره الزواج الثاني من بالهم نهائيا

وعرف انها نزوه ورجع لعقله وزوجته وبيته...

الله يسخر كل زوج لزوجته ولا يشوف غيرها يارب..والله رايي اذا ماهي كبيره ولا مضطره الى هالزواج ترفضه والله يرزقها اللي احسن منه

اهله لازم تتأكدين ان عندهم خبر بالخطبة

صديقتك خليها تستخير و لو هي صغيرة بالعمر انصحها تبتعد كل البعد عن الزواج من شخص معدد

لانها راح تتعب حيييل ، خاصة ان كانت مو مجبورة تآخذ معدد يعني لا مطلقة ولا كبيرة بالسسن

شوفي العذاب اللي عايشينه خواتنا زوجات المعدد و المشاكل اللي ما تنتهي بين الزوجتين و الغيرة و و و الخ


خليها تستخيييير ثم تستخير ثم تستخييير

يمكن فيه سبب لرفض اهله


ثانياً صديقتك صغيره والعمر قدامها
، هل بتتحمل الغيره والشراكه!!!!

تصبر وتعيش حياتها مع شاب ماعنده غيرها تطلع وين ماتبي وتسافر متى ماتبي
مو تربط حياتها بواحد متزوج غيرها ، يوم عندها ويوم بتجلس لحالها، تفكر وين راحوا وين جو

انا مدري كيف بتاخذ متزوج ؟؟؟الله لايحطني مكانها....لاني مستحيل ابني سعادتي على حساب غيري

وبعدين ياترى الزوجة الاولى عندها علم ؟؟؟ولا ياغافلين لكم الله؟؟؟؟...الله المستعان بس