أهلين......با العسلات...الذوق..الحلوات..(أرو ع المنتجات)سجلي منتجك المفضل..

انا مخلت ولابقيت شئ الا وجربته بس فى الاخير ترجع بشرتى الى الأسوء

skin lighting gel جربته روعة لوريال الصباح والمساء للتفتيح جربته عادي

مقشر المشمش من ممم اظن اسمه سانت ايف .. مش متاكده المهم انه مكوناته طبيعيه سويسريه .. رائع و بعد ما سويت سيرج عليه اكتشفت انه ماخذ جوائز و قبل فتره طلعوه ببرنامج يطلع بدبي عن افضل المنتجات ... العايله كلها صارت تستخدمه من ورا راسي .. و الكل مدحه


المنتج الثاني .. التو ستبس من افون .. و الحين نزل الون ستب و بديت فيه اليوم اجربه على الله يطلع زين لان بشرتي مع الحمال اندمرت ...


يا ليت بنات الي عندها حل للشعر الدامر تقووول .. لاني كرهت روحي شعري بعد اخر صبغه على هايلايت اندمر جفاف و تساقط فظيع صار ليفه بعد ما كان ناعم و كيرلي طبعا غير القشره

صحح نسيت ..

فيه مرطب الشفاه من افون اروع مرطب استخدمته مش شمعي مثل المرطبات الثانيه و ريحته و ملمسه جنان يعطي مثل تاثير الغلوس

و استخدمت للحين بلسمين مختلفين من لوريال ... يجنن خاصه الاخير اخذته للشعر المتقصف الظاهر و تاثيره وايد حلو و يعطي كثافه نوعا ما للشعر اذا سشورتيه ( انا ما اسشور شعري بس غرتي حبه عشان الشعر المتطاير و بعد ما استخدمته عطى تاثير روعه )

ممم فيه بعد غسول نسائي استخدمه راااااااااائع و شويه كلمة رائع عليه ... جفاف و ريحه كيووووووت .. طبعا متعايزه اروح اشوف اسمه فاذا حد مهتم يطلب الاسم و إن شاء الله ا ييبه
<<== تصير سلحفاه مع كل حمل

ممم احلى معطر للفم هو الشرايح الي تنباع بكل مكان و لنتيجه فتاكه .. دايم بعد ما تفرشين اسنانج فرشيهم بعدها بغسول الفم يعطي تاثير فظيع و ثابت ( اما تخلين الغسول بفمج و تفرشين او تصبين على الفرشاه بس الاول احسن )

وايد اقرا عن خلطات لخشونة الاقدام و بصراحه و عن خبرة انسانه مدمنة عناية باقدامها اكثر حتى من ويها .. ما فيه افضل من كريم جليسوليد ... و ما فيه داعي للخلطات و الخرابيط .. مره جربت خلطة الفازلين بالجلسرين و الليمون و هالخرابيط ... ما اشوف ان فيه داعي تقدرين تكتفين بالجليسوليد فظيع ... بس يفضل تستخدمينه قبل النوم لانه يمشكل عند الوضوء .. و طبعا ممتاز لليدين بعد بس لا تكثرين ... والله اتذكر اكثر من مره تعليقات على نعومة يديني لدرجة اخوي يقولي احس يدينج فيهم ماي على صايرين قطنه .. و طبعا كان تاثيره ..

مممم هذا الي يطري عبالي للحين ... بس اخترت المضمون مع اني زمان كنت مدمنة خلطات و اجرب كل شي ... بس الحين صرت ما ا ثق باي شي و اشوف الطبي افضل .. إن شاء الله حد يستفيد

والله ياأخت تويتا موضوعك حلو وياليت البنات كلهم يشاركون
والأخت بنت النور والله ضحكتيني لأن بصراحه كلامك صح ضاعت ايامنا وحن قاعدين نجرب وندور ولافيه فايدة وزي ماقالت أمي (الزين من منبته ماهو بغراس)
لكن بالنسبه لي انا تعجبني منتجات جونسون خاصة كريمات الترطيب والتنظيف ومناديل ازالة الماكياج(مجربه)
كريم بين كريم رخيص سعره 8ريال لون علبته ابيض وغطاه ازرق ممكن تستخدمينه بدال كريم الأساس وكمفتح حلو وانا واخواتي نستخدمه من زمان وماله أي أثار(مجرب)
منتجات بزلين وانا جربت منها صابونه بالعسل وصابونة تفتيح وبقية المنتجات اسمع ناس يمدحونها
وجربت يولاي ولوريال بس بصراحة ماناسيتني بالرغم ان فيه ناس يمدحونها بس أنا فيني عيب مااستمر حدي اسبوعين شهر لو طولت 0
وفيه كريم اغادير للتفتيح استخدمته مع صابونة اغادير لمدة شهر وبصراحه حلو فتح لي بشرتي كثير بس خفت و وقفته لان فيه ناس قالوا لي انه عباره عن كريمات مخلطه المهم تركته ورجعت بشرتي زي أول ومع هذا كله والله انا ضد استخدام الكريمات ومع الأشياء الطبيعيه بس المشكله ان الأشياء الطبيعية تبي وقت واستمرار وحن بصراحه كثيركسالى والوقت ضيق لذلك لو الوحدة تحرص على تنظيف بشرتها من الماكياج والأتربه وتستخدم واقي من الشمس وتسوي لها ماسك طبيعي في الأسبوع مرة أو مرتين بكون ابرك لها واحسن من هذي الكريمات اللي بصراحة دمرت بشراتنا والماكياج يابنات انصحكم ثم انصحكم بالتقليل من استخدامه لأنه يساعد على شيخوخة البشرة .وشكرا