والله المفروض زوجك مايدخل بيت اهلك ابدا
خلاص هو صرح لامك ان البيت وضعه تعبان يعني ماعليه لوم
اذا امك قريبته يشوفها عند اي احد او نادوها في بيتكم تزوركم
او يكلمها مكالمه
المهم والله لو اني منك ما اخليه يجتمع مع اختي بمكان واحد
وتنفسي ببيتك تجي امك عندك لو قليل بعد حتى اختك صعب تخليها بالبيت لحالها
والله يكون في عونك
ادعي لامك لاهلك لاختك بالهدايه
وان قدرتي تتصدقين عنهم لو بشي بسيط بسيط لو تعطين للطيور ماء
وتشركينهم معك بالاجر
وترى امك يبي لها رجل يوقف معها مسكينه والله كلمي احد من
اخوانك يساعدونها حرام كذا
طليق اختك ماخذ راحته مافي احد وقف بوجهه مافي رجل بالبيت
يهابه ويعمل حسابه
واختك استغفر الله اذا ماتصلي وش نقول بعد كذا ادعي لها بالهدايه
ترى والله كثير انقلبت حياتهم

خليكي عند زوجك احسن واهلك لاحقه عليعم انا نفست بيتي مارخت بيت امي لا تروحي عشان مشاكل مادري كيف لج ويه تشوفي اختج قدامج ولو مكانج بعلمها من انا سوال اخوانج شباب وين 🤔

شوفي ياأختي حياتك وطفلك خط احمممممممر خلاص لين هنا وحدها اختك واصليهم نفس ماطلبك زوجكك وخلاص امك كلميها كل يوم وزوريها من فترة لفترة والله لو قلبها عليك اعذريني مارضت بهالمهزله زوجك رجل في زمن قليل تحصلين مثله تمسكي فيه ولاتسمحين لأي احد يخرب حياتك الثانيه اجلسي ببيتك عشان ولدك يتربى ببيئة كويسه

مايبغى لها آراء ومايجوز لك اصلا تتسببين في فتنة زوجك او تعصينه وامك تشوفينها ساعه في الاسبوع وتكون اختك مب موجودة في البيت والنفاس آلآف من الحريم يقعدون في بيوتهم واهلهم في نفس المدينه عشان اسباب كثيرة
والألم النفسي لو قعدتي عندهم يفوق بكثير التعب الجسدي لو قعدتي لحالك
واذا كانت مذا فهي ناوية لك على نية وقت نفاسك وزوجك انزرك ومن انذر فقد اعذر

المفروض زوجك اللي يقطع زياراته لهم وانتي لاتقطعين اهلك ولكن اولدي عند زوجك وخليه يجيبلك شغاله لانك لو رحتي لاهلك زوجك بيضطر يزورك كل يوم واختك بتاخذها فرصه لاتعطينها مجال وزوجك اذا شاف انك مشتريه رضاه مارح يمنعك من اهلك شكله عاقل رابن حلال يخاف له بس سايريه لين تهدا الامور اما اختك استغفرالله لاتعليق