أهلي فشلوني قدام زوجي ........!!

السلام عليكم جميعاً

بحاول اختصر الموضوع لأنه يحتوي تفاصيل كثيره

انا عندي بنتين توأم اعمارهم الحين سنة ونص .. وماعندي شغالة

مستاجرين في بيت أهلي عشان تساعدني أمي بالبنات ..

يعني انا في الشقة اللي تحت واهلي فوق طيب

كان زوجي في بداية الزواج طالب يدرس في الكلية .. في مدينة ثانية

وكان يخليني عند اهلي ويجي في الاجازات قبل لا احمل

بس اهلي ما ادري ليش يكرهوه !!!

مع انه انسان محافظ واخلاقه عالية

بس همهم الفلوس

زوجك ما يعطيك .. زوجك ما يصرف عليك ... طيب انا ما شكيت عليكم

ليش ما يرسل لك مصروف

ليش تبيعي ذهبك عشانه ..!!

والحين توظف وسكنا عندهم .. وامتحنونا بالإيجار .. مع ان زوجي منتظم معاهم

بس طول الوقت .. ترا بنرفع الايجار.. ترا الدنيا غلا ........

لا تشغلي مكيفنا روحي بيتكم

مره شبكت الشاحن بشحن جوالي في شقة اهلي .. قال ابوي .. ايه وش عليك الفاتورة مو في بيتكم

ودخلت مره غرفة اخواتي استشور شعري .. قعد يصرخ ابوي عليه .. يقول انزلي شقتك ذبحتينا بالفواتير

ومره خذت كاسة عصير من الثلاجة لبناتي بحطها في الرضاعه .. قال بكره لاتنسي جيبي بداله !!

ومراقبينا طول الوقت .. ليش نايمين .. ليش صاحين .. وين رحتوا امس ومدري ايش

واحيانا والله نكون نايمين وبناتي الله يصلحهم يسهروا كثير واذا بكت وحده قامت الثانية .. ودوبي بنام بحط راسي .. إلا ابوي يدق من الشباك من برا ويصرخ قوموا قوموا انتوا ما تشبعوا نووووم

بعدها قاموا الثنتين يبكوا خافو من الصوت .. انا قعدت ابكي معاهم مو قادره اسكتهم وفيني نوم تخيلوا ما انام بالليل ولا النهار إلا ساعة أو ساعتين بالكثير

واذا كنت ابغا السوق تقول امي خليهم عندي بس لا تتأخروا

واروح وانا قلبي عليهم حتى ما اخذ اللي نفسي فيه بس اي كلام بسرعه بسرعه

ارجع ألاقي التهزيء من أمي وابوي

خذي بناتك احنا مو مكلفين فيكم

انحرجت من زوجي سمع صياحهم من الدرج .. راح اشترى العربيه حقت التوأم صرنا ناخذهم أي مكان

مو قادرين نجيب شغالة بسبب الحالة المادية ..

وعمتي أم زوجي لو جت .. ما راح نسلم من لسانها .. هذي بعد لها قصة ثانية

حتى كل شويه واحد يدق عليه جرس البيت .. الروب الطويل لازم تكون جاهزة عند الباب .. قبل ما افتح البسها من فوق لبسي .. لين يروحون .. لأني آخذ راحتي باللبس في البيت

والمكياج لازم ينتقدون .. ليش حاطه مكياج كنك رايحه عرس .. !!

وأمي صراحة غريبة عجيبة .. مره تقول زوجك طيب وحبوب .. ومره تسبه وتشتمه .. مره تحرضني عليه مره توصيني .. يعني كذا وكذا

وتبغاني اقعد معاها 24 ساعه تقول أنا أمك أولى.. زوجك بكيفه بالطقاق في البيت مو في البيت بكيفه اهم شي انتي تعالي .. واذا رحت اهانوني .. واقول خلاص بروح البيت بجهز العشا لزوجي جاي من الدوام تقول .. اقول خليه يولي ما كثر ربي إلا المطاعم
:(

ما ادري اشفيها أمي صارت انطوائية لا تروح زيارات ولا تطلع ولا شي بس قاعده بالبيت .. وصارت تشك بكل الناس في نظرها ان الناس كلهم كذابين

ما ادري الصراحه


واذا صار عند اهلي عزيمة عشا أو غدا أو حتى مناسبة كبيره ينادوني أنا بس .. ليه وزوجي وين راح ؟ وأحيانا يدقون على جوالي ويقولوا جيبي زوجك معاك .. صراحة صار يزعل زوجي ولا يروح لهم يقول ليش كذا أنا ماني رجال في نظرهم والا ايش ؟
بس صرت ارقعها واقول لا لا انا قلت لهم لا تدقون خلاص انا بقول لك كلنا عيله وحده عادي
صار زوجي ما يطلع لأهلي نهائياً ولا يكلمهم متعامل معاهم برسميه بزيادة

تخيلوا وانا نفاس عند امي .. ما جا زوجي يزورني إلا مرتين بس .. هذا وهو ساكن في الدور الأسفل .. كله بس عشان ما يشوف الاحراج من اهلي ..
المره الثانية اللي جا .. راح ابوي يجيب عشا .. اتصل عليه اخوي عشان يقول زوج اختي عندنا اعمل حسابك .. والا يدخل ابويه من الباب بصوت عالي .. وليه انا اجيب له عشا !! انا ما خلفته ونسيته

عصصب زوجي .. وقام من مكانه وقال مالي قعده بهذا البيت .. يعني عيب والله ضيف جاي عندكم .. وتقولون هذا الكلام ..

حتى أمي تقول شوفي زوجك مايقضي لك وانتي نفاس ؟ ابغا افهم اش يجيب يعني ما ادري ايش قصدها ؟ رحت اتصلت عليه وقلت جيب كل انواع الخضار والفاكهه اللي بالسوق والعصيرات واللبن والحليب والمناديل وكتبت اغراض وجابها والله .. ولا احد علق ولا كلمة شكراً

انا مو فاهمه والله ايش يبغوا بالضبط؟

وثاني اسبوع من النفاس وانا والده بعمليه ما قدرت اتحمل معاملة اهلي .. كل شويه ازعجتنينا انتي وبناتك ..ماتحملت اخذت اغراضي كلها وبناتي ونزلت انا طبعا قعدت اطلع وانزل محد كلف نفسه يساعد بس عليهم يتفرجوا.. حتى بيتي مو مجهز ولا بشي نمت على الأرض أنا والبنات .. والله انها اسوأ أيام حياتي
وما كنت اعرف ولا شي عن النفاس ولا أمي علمتني ولا حاجه .. حتى بطني صار كبير كني حامل من جديد ..
تخيلوا نزلت السوق من ثاني اسبوع .. من غبائي ...
كنت ما اعرف شي .. والله العظيم ما اعرف شي .. نزلت اشتري باقي الأغراض للبنات ... والبنات حطيتهم برضو في بيت اهلي ماكان فيه إلا اختي امي راحت ما ادري فين ولما رجعت شافتهم عصبت واتصلت عليه قالت تعالي خذي بناتك ترا حطيناهم عند الباب
رجعت لقيت اغراضهم فعلاً عند الباب دخلت واكلت التهزيئ طببعاً .. هذا اسلوب أمي كله تهزيء في تهزيء .. طيب علميني بأسلوب أنا بنتك .. وخلوني اطلع وانزل يمكن 6 مرات مره البنات مره اشيل اغراضهم مره اشيل الهزازات حقتهم ولا أحد فكر يساعدني
نزلت ما قدرت امسك نفسي قعدت ابكي في حضن زوجي .. هو مستغرب من اللي قاعد يشوفه يقول اش الأهل هذولا . . ؟ قال خلاص اعتبريني أنا أمك وأبوك وزوجك وكل اهلك

أمي الله يسامحها ما ساعدتني ولا في شي .. حتى اغراض زواجي كلها أشياء هبله ليتني صورتها بس .. بجد هبله هبله بمعنى الكلمة .. حتى زوجي واهله قعدوا يتريقوا على اغراضي لما وديناها الغرفة .. يقولوا بالله هذي اغراض عروس !!

والمصيبة الثانية أن أهل البنت اللي كان زوجي مملك عليها وطلقها.. للحين حاقدين وكل يوم يسوون مشكلة ويتبلوني بأشياء أنا مالي علاقة فيها عشان بس يطلقوني من زوجي ..
طبعاً زوجي عارف حركاتهم وكل خططهم ومطنش.. بس اخاف ينجحون يوم من الأيام ويطلقني .. صراحة ما ابغا ارجع بيت اهلي اللي ما صدقت اخرج منه .. اذكر مره شفت بنت خالي وهي كبيره في الكلية وانا كنت في الثانوي حطت رسها على ركبة أمها وهي جالسة وقعدت امها تحضنها وتلعب بشعرها
رجعنا البيت عجبتني الحركة كنت بسويها مع أمي إلا تدفني تقول وخري عورتيني في رجلي بلا دلع:44:

من ناحية زوجي ..الحمدلله ما اقول كامل الكمال لله سبحانه هو طيب وخلوق و مو مقصر الصراحة .. عادي يعزم ويستقبل .. وماعمره جرح أحد من اهلي بكلمه ..

بس صار يروح القهوة كثير يقول ليش اقعد معاك بالبيت .. مو امك تبغاك تروحي عندها !! روحي تونسي

والله مره منحرجه مررره قدام زوجي

حتى صار يحزن عليه من تعامل أهلي معاي .. وأخاف مع الأيام تكون نقطة ضعف لي ..

بالله اشرايكم بحركات اهلي ؟

والله اني احبهم ..

آخر موقف بقوله لكم .. أول سفره بعد زواجي كانت بعد اسبوع جيت بودع أمي غصب عني بكيت ورميت نفسي بحضنها أبغاها تحضني وتمسح دمعتي كنت لابسه العبايه خلاص بروح كانت جالسه عالكنب ولا تحركت ولا حركت حتى ايدها.. إلا تدفني تقول خلاص لا تبكين فشلتينا قدام الرجال :44:

ادري اصبري واحتسبي .. ادعوا لي ان الله يلهمني الصبر وانه يعدل اهلي ويرفع اخلاقهم شوي .. انا راح اصبر لين يكبروا البنات شوي واصير ما احتاج لمساعدة أحد وننقل بيت ثاني احسن

ومع كل اللي يسوونه فيني ما اقول إلا الله يحفظهم ويطول بأعمارهم ويصلحهم


*********

الجديد في الموضوع


الله يسعدكم ويوفقكم .. والله استفدت من نصايحكم كثييييييييرر

بدأت اسوي ببعض النصائح .. فعلاً المفروض ما اكون ثقيله على اهلي

وبناتي سرت اخذهم معاي السوق مايهم ..

حتى امي حست صارت تقول وينك ما نشوفك ؟؟؟ لايكون عمتك خربتك <<<< لازم تدخل عمتي في السالفة

يعني أمي من جهه وعمتي من جهه

قسم بالله حالتي النفسية خرباااااااااااااااانه ودي اهج من العالم

خاصة عمتي ياناس .. الشكوى لله

موضوع عمتي ما ينتهي

http://forum.hawaaworld.com/showthread.php?t=3281320