ماعليك فيهم
المفروض لو اختيارك غلط مايسوون كذا
هذا وانتي مختاره شخص كفؤ

اهم شي امك ارضيها وطيبي خاطرها
اما هم لايشوفونك منكسره وتدورين رضاهم
ماسويتي شي غلط بحقهم بالعكس
خليهم للزمن يراضيهم
وحلو انك بمدينه ثانيه مو قدامهم
وكمان انتي قلتيها مو دارين عنك متزوجين ومنشغلين بحياتهم
والاخو ماله فضل على اخته
مو ابوها ،، يعني بينكم الاحترام والتقدير
عليهم ينصحونك وبس لكن مايفرضون رايهم عليك بالقوه
ولاتحسبين انك اذ انفصلتي ترضينهم والله تندمين قد شعر راسك ماحد نافعك

عنهم مارضوا إذا كنتي مقنعة فيه ومستخيرة ومرتاحة ماعليك منهم

قال الرسول صلى الله عليه وسلم ( إذا جاءكم من ترضون دينه وخلقه فزوجوه إلا تفعلوا تكن فتنة وفساد كبير )

تخيلي ترفضينه ويجيك واحد اخلاقه زفت

أو تخيلي توصلين للأربعين

اسألك بالله بيفيدونك اخوانك

بعض الأخوان ماعليهم إلا من المظاهر

مادامك مستخيرة ومرتاحة خليهم آخر همك هذا قرارك وهذي حياتك وتذكري رضا الناس غاية لاتدرك

ما فهمت هم ليه مايبونك تتزوجين يعني يشوفون الرجال مايستحقك ولا كذا بس غيره

اختي الغاليه توكلي على الله اذا كان العريس مثل ماقلتي طيب وبار واخلاقه حسنه فتزوجيه وعفي نفسك وانجبي ذريه تنفعك باذن الله اخوانج مو دايمين اج والخياه بتاخذهم ويتلهون عنج واذا ع الزعل فتره وتمر وكثري استغفار وقيام ليل وربي يوفقج ويسعدج بحياتج

يااختي دام الرجال شاريك تزوجي واهلك راضيهم لاتعاندينهم بس بيني لهم أن هذا من حقك يمكن أنتي سكتي كثير وتمادوا وتعودوا يرفضون عشان مايتحملون مسؤوليتك اذا تزوجتي من شخص فاشل اذا ولد عمك رجل ويستحق أن تضحي من أجله تزوجي واحذري ثم احذري ثم احذري مهما ضعفتي ومهما جاتك ضغوط من اهلك انك تبينين لزوجك سوء علاقتك بأهلك مهما كان شهم والله بعدين تندمين خليه مايعرف اي شئ ولاتعلمينه انهم رافضين ابدا ابدا

حاولي تلطفين الاجواء مع اهلك لمصلحتك تنازلي شوي وادعسي على كرامتك وحسسي اهلك بوجودك وانك تبينهم مو مستغنيه عنهم لانك انخطبتي لا ابدا وضحي لهم مزايا خطيبك وحاولي تستشهدي بأمثله من الناس اللي حولك يمكن أهلك مايشعرون بسوء تصرفاتهم معاك وردهم للخطاب
او عندهم عقدة النقص ويشوفون الناس كلهم مو كويسين وينتقدونهم ومافيه أحد عاجبهم

تراني اعاني مثلك ياما خطاب جوني ماينردون لكن اهلي الله يهديهم مايفكرون لين كبرت وحسيت بحاجتي يكون عندي اسره وبيت وشخص يهتم فيني ومع ذلك ولاأحد هامه ابدا كل تفكيرهم أن هم أفضل من الناس كلهم ولازم يجي شخص ملاااااك لأجل يوافقوا وأنا ساكته على تصرفاتهم تمنيت أن هم يكونوا مهتمين لزواجي ويسعون له مثل باقي بنات جماعتنا او على الاقل يستشعرون أن عندهم بنت كبرت لكن مع الاسف ومازال المسلسل مستمر تدرين ليه لانهم مادروا عن هوى داري لايصرفون علي ولايتحملون مسؤليتي ومستفيدين مني واللي يقهر اكثر اذا سولفوا يسبون اللي يرد الخطاب ومايزوج بناته ونسوا انفسهم الله يهديهم يارب ويجبر قلوبنا ويصبرنا ياكريم .


المعرف مشترك 😂