أهلي وولادتي والأحراج !!! وعدم الاهتمام تكفون حلوها ما لي بعد الله غيركم

بنات تكفوووون علموني وش أسوي بعمري ............

:44:

انا ضايق صدري ومب عارفه كيف أتصرف ....:(



انا حالياً حامل وداخله على الشهر الثامن ...

وأهلي طبعاً كلهم طلاب مدارس حتى ابوي

مدير مدرسه يعني كلها كم اسبوع وبيعطلون ....

*
*
*
*

انا البنت الكبيرهـ وانا الوحيده المتزوجه

المصيبه أن أبوي يبي يحجز

وبيسافرون أسبوعين لــ مدينه جدهـ ومكه

كتغيير جو


والمصيبه الأكبر >>>

ناوين يسافرون أول اسبوعين

من شهر شعبان

وانا شهر شعبان ((شهري التاسع)) :icon33:

وغير كذا انا بنتي صغيره عمرها سنتين !!!

*
*
*
*

كيف يسافرون وانا على وشك ولادهـ؟

وش أسوي لما أجي أولد احط بنتي عند مين؟


لما أولد بالسلامه ما فيه أحلى من أول زوار

أهلي ...لو سافروا بجلس لحالي عشان هم حضرتهم

رايحين يتمشووون !!


وغير كذا لما يجوني ضيوف ويسألوني عن أهلي أقولهم

مسافرين والله مب شي يفشل مسافرين وقت ولادهـ بنتهم؟

والله ضايق صدري حيــــــــــل :mad:


كلمت أمي ما عطتني جواب ؟

بس قالت :

لو أبوك أمر بالسفر ما أقدر اقول له لا؟

طيب وانا مب بنتكم ليش عدم هالأهتمام ؟

****
**
*

بصراحه تفشلت حتى من زوجي مهما كان بيقول

في نفسه ليش اهتم فيها واهلها مهب مهتمين لها!!!

*
**
****


من جد .... انا ضاق صدري:44:

وصكت بي الدنيا حتى زوجي أستغرب

من تصرف أهلي وقال كلميهم قولي لهم

كيف ترووحون وانا على وشك ولادهـ ...............

قلت له قلت لأمي ما عطتني كلمه!!


بصراحه تفشلت حتى من زوجي احسه يقول

اهلها مهب مهتمين فيها ؟


فكرت قلت خلاص ما لي

الا بيتي أولد فيه وبس بس بيتي شقه صغيرهـ

حيل ما تكفي ضيوف


واهل زوجي عارفتهم

ما راح يخلوني بيقولون تعالي عندنا

وبصراحه ما أحب هالمواقف المحرجه ....



وأهلي ناوين يحرجوني بتصرفاتهم :(..............



بالله حلوها معي كيف أتصرف ؟؟؟؟؟


كيف أحاول اقنعهم بتركـ السفر هالسنه؟


انا قلت لهم >>

سافروا اول الاجازه على الاقل انا بالشهر الثامن

قالوا لا ما نبي نروح مكه وجده وقت رجب

زحمه كلها اجانب ومدري وشو .........

*
*
*
*
*
*


بالله تكفون علموني وش اسوي كيف

ادبر موضوعي بدون ما اسبب مشاكل مع اهلي

لاني انا اعرف عمري عصبيه ومتهورهـ لما اعصب

ولساني يفلت بأشياء ما لها داعي ...!!




================

بدال ما أشيل هم واحد وهو هم الولادهـ

صرت شايله همين هم الولاده وهم سالفه اهلي

اللي مدري من وين طلعوها؟:44: