أهلي و أهل زوجي ... !!!! الحقووني ...

عزيزاتي .. أنا أكتب الآن بعد عنجد طقييييت .... !!

أهلي و أهل زوجي ... مش على وفااق ...

يعني .. أهل زوجي ما بيعرفوا بالواجب و الأصول ... و بيطنشوا شغلات كتيير ...
وأهلي من النوع الي بيقدر الذوق و الأساسيات الإجتماعية ..

مثلاً .. أول عيد مر علي وأنا خطيبة إبنهم .. ما رفعوا السماعة و عيدوا على أهلي ..
بس أهلي هم الي أخذوا المبادرة .. ( أول موقف و مشوا الموضوع ) .

بس الظاهر انو أهلي إتحسسوا كتير و بيلاحظوا أنه أهل زوجي ما بيفهموا بالمجاملات خصوصا إنه أهل زوجي مناسبين ناس جدد ولازم يظهروا كل الود ...

بس الموقف الي خرب كل شي .. برمضان الماضي ، عزموا أهل زوجي أهلي على الإفطار .. أهلي وصلوا بس أبو زوجي و زوجي ما كانوا بالبيت لإستقبالهم لأنهم كانوا مشغولين بشي وهالشي بعيد عن البيت تقريبا 45 دقيقة .. فتأخروا على الإفطار وسبب تأخيرهم إحراج لأهلي و قرر أهلي من يومها عدم تلبية أيه دعوة من أهل زوجي على الطعام !! ( مع العلم أنه أهلي ما حسسوهم انهم متضايقين .. و بعد العزيمة .. زوجي قال لي أنه أبوه سأله ليش بابا مشي بعد الافطار على طوول ؟؟ - مش عارف انه بابا ماكان مرتاح بهاي العزيمة و ماحب يتصرف أو يقول شي ممكن يوصل لمشلكة .. ) المهم . .. حالياً العلاقة رسمية .. لاكن بتعرفوا انه المناسبات كتيرة و من المتوقع من أهل زوجي الإتصال للتهنئة أو التسليم على أهلي ... لاكن هذا الشي مش موجود ... وأهلي كل موقف بيمر بيزيد تحسسهم من أهل زوجي أكتر ... :44:

العلاقة الآن رسمية جدا جدا .. و خايفة الموقف يصعب .. مش معقولة أخبر زوجي مشان يعلم أهله الأصول ... وبنفس الوقت أهلي مطنشين مواقف كتير لولا أنهم على يقين أنه أنا بحب زوجي و زوجي انسان مافي متله ، كان صارت مشاكل و يمكن ماكان قبلوا انه يصير نصيب معهم ... :29:

المهم الآن ... كيف ممكن أصلح العلاقة ... بخاف ألمح بأي شي لأهل وزجي أو زوجي .. بعدين يفهموا غلط و تصير قطيعة بين الأهل ...

الي عنها أي نصيحة أو فكرة .. لا تتأخر على فيها ..

الله يخليكم ..

أختكم ناتاليا ..