بسم الله الرحمن الرحيم
السلام عليكم ورحمة الله وبركاته
كيفكم ان شاء الله تمااام
ان المرأة عندما تتزوج تصبح مؤتمنة على1-زوجها واسراره
2-اولادها واسرارهم
وكذلك الرجل مؤتمن1-زوجته واسرارها
2-اولاده واسرارهم
طبعا ان بتكلم عن مايخص المرأة لان المنتدى لشريحة كبيرة من النساء
للاسف ان الشعوب العربية تحب الثرثرة اكثرمن العمل واذا لم نجد مانثرثر به
تكلمنا عن انفسنا ونشرنا غسيلنا للي رايح واللي جااي
طبعا الكلام هذا مو للكل ولكن للاغلبيه
بتكلم عن الفقرة الاولى للمرأة زوجها واسراره
طبعا كلكم تعرفون حقوق الرجل على زوجته ولن اتطرق لها هنا
سأتكلم عن حفظ اسراره وستر عيوبه
فرضا طلبت منك ان تستضيفيني ببيتك ليوم وااحد ورحبتي فيني دخلتيني بيتك وغرفتك واخذتي راحتك معي
ولما طلعت منك صرت أتكلم بكل بيت وش شفت عندكم وكشفت اسراارك
واسرار زوجك وكل شي شفته
ما تسميني وقحة حقيرة :mad:
وكذلك الزوجة وخوفا من اللي يطقون طبلونهم ويجون مدرعمين وين افش غلي بنفجر على كذا
1-قداامك النت بكل المنتديات اللي تهتم بالحياة الاسريه مااحد يعرفك قولي كل اللي تبينه لايعرف زوجك ولا يعرفونك
2- الاستشارات واللي تبي رقمهم تراسلني على الخاص وفيه قولي مشكلتك سواء مع امك ولدك زوجك وفيه ناس فاهمة تساعدك وان
احبذ هذا الحل<<متعوب عليها احبذ
تجلس طويلة العمر بين أمها وخوااتها وهاتك ياسب بزوجها
زوجي رااعي بنات زوجي رااعي مخدراات زوجي مسجون زوجي بخيل
وبعدي:mad:ن اذا مااعجبك تطلقي واستري على ولد الناس ومن ستر مؤمنا ستره الله وانتهينا تعجبني كثير لما تسأل وش سبب الطلاق
تقول نصيب والله يستر علينا وعليه تكبربعيني
طيب اذا ما تبين الطلاق وعندك اولاد وش بتستفيدين من سب زوجك وتقطيع جلده قبل ماتبدين فكري هل لاهلي او خوااتي القدرة على حل مشكلتي طبعا لا اذا ليش اطيح انا وعيالي من عين اهلي ويقولون لي
يابعدي يامسيكينة
حطي ببالك لما تتهاوشين انتي وزوجك وتفضحين فيه عند اهللك وبعد كم يوم تلرضين وتنامين معه وتنسين خطأه لكن لكن لكن
أهلك مانسوا الناس ماتنسى لحد ماتتراكم اخطأ زوجك
لا تجيني وحدة وتقول اجل يزعلني ولا اقول عيوبه اقولها من اجل عين تكرم مدينة علشان عيالي واعتزازهم بأبوهم
يرضيك لما يجي زوجك لاهلك يحقرونه اخوانك ولا يسلمون عليها وزوج اختك اذا دخل كلن رااح يسلم عليه
وطالعي وجه عيالك وانتي تسبين ابوهم بين امك وخواتك وتفضفضين
خاافي الله فيهم دخلتي بيتهم ونشرتي غسيلهم
واخوانك يعلمون زوجاتهم وخواتك يسولفن بالموضوع لبناتهن
ليش ماتحتفضين بهيبتك وهيبة زوجك وترفعين راس عيالك
لو فيه فائدة من هالنشر كان تهون المشكلة مافيه فائدة الا مضرة
وبذكركم بقصة القاضي شرحيل بن شرحبيل لماتزوج قال لزوجته
ان رأيت خيراا فأنشريه وان رأيت شراا فأستريه
كم من وحدة كنتي هايبتها وتشيلين هم لها وقدر ولما قالتلك سريرتها واسرارها ضاعت هيبتها صحيح يمكن اكسبت رحمتك لها لكن فقدت هيبتها
كم وحد زوجها مافيه الا عيب بسيط ومن فينا مافيه عيب لكنها تضخمه وتهول واذا جلست هو السالفة
وكم من وحدة زوجها عيوب الدنيا فيه عمرها ماحطت نفسها وبيتها محور سوالف والكل هايبها لانه مايدري عن سرها
ودمتم بحفظ الرحمن
من جابها من بحرها؟ @mn_gabha_mn_bhrha
كبيرة محررات
يلزم عليك تسجيل الدخول أولًا لكتابة تعليق.
من جابها من بحرها؟
•
لا اله الا الله
فعلا صدقتي
يعني كثير نشوف كذا تتشكى عند اهلها واذا كرهوه وصفت هي واياه
وقامو يسبونه طنقرت
ماتبي احد يقول به شي
يعني كثير نشوف كذا تتشكى عند اهلها واذا كرهوه وصفت هي واياه
وقامو يسبونه طنقرت
ماتبي احد يقول به شي
الصفحة الأخيرة