أهل أمي غير عن الناس اللي اعرفهم ...

أهل أمي الله يرحمها ناس مرة طيبين ويحبون الخير وفيهم التزام بعض الشيء ولاأزكيهم على الله وفيهم جمال كون يرجع جمالهم إلى جدتهم تركيه من الأتراك بياض وعيونهم خضر وزرق وش اقول وش أخلي عنهم .. بس فيهم طبيعة ماحبيتها وهي أنهم يتزاورون بينهم بين وعزايمهم وزواجاتهم فيما بينهم مايحبون أطراف ثانية معهم كون إن أبوي مو منهم مايذكرونه ولايعزمونه إلا في السنة حسنة صحيح أنا واخواني نحضر لكن من نظرت الموجودين كأننا بينهم غرباء وكلا يشاور علينا هذولا ال فلان من قبيلة كذا ويقعدون يتذكرون أمي.. وعيال أخواتي واخوي من أمي صلتهم بعمانهم وخوالهم اللي من أبوهم أكثر حتى في سوالفهم ومزحهم وحركاتهم مطيحين الميانة بينهم ....ومعانا رسميين مرة واحترام سامج مع أني ازورهم كثير ويزورونا بس مو بإستمرار بس احلى شئ فيهم إذا عزمناهم يجوون بسرعه فيهم مواصلة عجيبة لبعضهم ومايحملون في قلوبهم أبدا حتى لو يجي بينهم قصاص وأمي الله يرحمها كانت ماخذه احلى صفاتهم كانت عجيبة بشكل ..
لكن هم عكس أهل أبوي لاخيرهم ولاكفاية شرهم وحقوديين مافيهم إلا ابوي اطيبهم وأطيب الناس الله يطول بعمره ...
وش رأيكم الموضوع عادي والأغلبية أهلهم كذا ...؟