أهل ابوي وظلمهم

اهلين بنات احلى عالم
انا كل ماضاق خلقي دخلت لقسم الحياة الاسريه عشان أشوف مصيبة غيري واهون عن نفسي مصيبتي
انا بكتب معاناة امي ومعناتنا مع اهل ابوي حسبي الله عليهم
ماراح اكتب التفاصيل لأن لو بكتب ماراح اخلص مشاكلهم كثيره ماتخلص ماتوا ناس وولدوا ناس وهم على حالهم ماتغيروا
طبعا المعاناة بدت من زواج امي بأبوي قبل 30 سنه يوم كنا صغار كانت أمي تعاني لحالها ياقلبي عليها
والحين يوم كبرنا صرنا نعاني يعني لاحظوا ن من يوم حنا صغار والا يومكم هذا واحنا في معاناة مستمره
بتكلم عن جدتي وماتستاهل حتى اقول لها جده بس ماراح اقول الا احتراما لابوي مع انه ظالما هي انسان كريه بشكل مو طبيعي لدرجة ان الناس مايزورونا عشانها لأنها تستقبل الناس بوجه مسود وكأن ميت عليها أحد قلبها مليان حقد وحسد وحتى تربيتها لأولادها تربية حقد
طبعا هي تحسدا بكل شئ بأكلنا وشربنا ونومنا وكل اللي يخطر على بالكم لدرجة ان اثنين من اخواني مرضوا بالروماتيزيوم من عينها
ماتتمنى لنا الخير حتى في اتفه الاسباب
الدليل على حسدها انها إذا جابت عنب من مزرعتها تخيلوا تقعد تهاوشنا هذا لأبوكم لاتاكلون منه وياويل اللي ياخذ منه
إذا شافتنا نسولف ونضحك مع ابوي تنقهر والمشكله مو بس هي حتى بنتها ويسوون اي شئ بس عشان نتمشكل مع ابوي طبعا ابوي مايرفض لها طلب ومحترمها لدرجة يظلمنا ويهننا عشان رضاها
هم الحين ساكنين معنا بنفس البيت ومو بيت دور واحد والمشكله عمي اللي أكبر من ابوي عنده بيت ملك دورين وبجنب بيتنا بس رافض ياخذهم وهم رافضين لأن زوجة عمي سحبت فيهم من أول ماتزوجت مو مثل أمي ياقلبي عليها على نياتها
قبل فتره صارت بيننا مشكله جدا بايخه عشان ايش ماصبينا لجدتي قهوه ومن عقبها ماتكلمنا ولا تكلم ابوي اللي يقهرني انا احنا مو فاضين لمشاكلهم اللي فينا مكفينا ومن بعد هالسالفه انكشف الحقد اللي في قلبها وسألتها امي ليش ماتكلمينا حنا زعلناك وقامت تصرخ بعدها ان انتم ماتحبوننا ولاتحترموننا واكلمكم ماتكلموني لاحظوا ان هي بدت بالسالفه
المشكله حنا نحترمها ومايسوي الغداء والعشاء الا امي ومايخدمهم الا امي وكل شئ على كيفهم من ناحية التلفون والتليفزيون والنوم على كيفهم ومايكرف الا أنا وامي وهي وبنتها نايمات في العسل وماعمرنا حسسناهم اننا متضايقين منهم
وأكثر شئ يقهرني لاسوو نفسهم مساكين وانهم مقطوعين من شجره
مع ان بيتنا ضيق جدا واخواني نايمين بالمقلط ولاعندهم دولاب لملابسهم ولا بعد على الارض ولاقد شكينا لأحد الضيق اللي حنا فيه بس هم شغالين شكاوي علينا جدتي كل ماقابلت أحد قامت تشكي علينا
وانا ماقلت لكم شئ عن اللي يسوونه فينا
انا ماأبغى منكم الا دعواتكم ان الله يشغلهم عنا ويفرج لأمي منهم
بس حبيت افضفض لكم
:06: