أهل الخطيب / الزوج العصبيين!!!

السلام عليكم ورحمة الله وبركاته


شلونكم يا بنات ؟؟؟؟؟؟؟؟

ماابي اطول عليكم السالفة ، حبيت اشوف رايكم في هالموضوع .......

ووش رايكم لما يتقدم لكم او لأحد من خواتكم رجال من العيله ما عليه كلام من الناحية الدينية والاخلاقية ولا عنده خرابيط الشباب اللي نسمع بها ، بس الشي الوحيد اللي فيه ان اهله ( امه وابوه على وجه الخصوص وخواته بشكل عام ) عصبيين ، بحيث ان العصبيه اللي فيهم بينهم وبين بعضهم يعني مثلا امه عللى خلاف دائم مع ابوه ، ووحده من خواته تعتبر هي الاكثر عصبية فيهم ، وشخصيته ما تعتبر المغلوب على امرها ، ودوم عصبية ابوه هي اللي مأثره على علاقته بعماته واعمامه وحتى ابوه علاقته به مب قوية .
يا ترى توافقون على هالرجال وتقولون دام انه ما عليه كلام بنقبل فيه وبنتوكل على الله ولا بتقولون جايز ان بيئة اهله العصبية ممكن تأثر في علاقته بينه وبين زوجته ، مع العلم انه لو تزوج راح يسكّن زوجته في بيت اهله بملحق منفصل عنهم بحيث يكون بابهم عالشارع ، باعتبار ان اجارات البيوت غالية كثير ويفضل توفير الفلوس لبناء الارض اللي يملكها .

انا من رايي ان الرجال ما يعيبه شي وبخصوص العصبية ما في بيت يخلى منها ويا ما ناس نلقاهم مقاطعين اقرب المقربين لهم ولما نحتك بهم نلقاهم افضل الناس .


هذا رايي الشخصي واتمنى اشوف الردود ويا ترى في وحده تزوجت وهي عارفه ان اهل زوجها بهالمواصفات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


انتظر اشوف ردودكم