أهل الكويت علموني جزاكم الله خير

عزيزتي طبعا بمستشفى دار الشفا كان الدكتور صالحين وبس لكن الله يسامحهم خلص عقده وما قدروا يجددوله بس اللي اعرفه ان الدكتورة لجمي (هندية )وايد زينه ، عن تجربتي انا ولدت بمستشفى السلام بس ما انصحج فيه وولدت بمستشفى الراشد والحمدلله دخلت غرفة الولادة وطلعت وانا ما ادري عن شي ولقيت نفسي بغرفتي وبعدين سالتهم شنو ولدت واللي ولدتني الدكتورة ايفا وعندهم بعد الدكتور نصر هم خوش دكتور . وانت كيفك والسهالة من الله صدقيني انا زوجة حماي قعدت محتارة وين تولد لما صار وقت الولادة راحت مستشفى حكومي وتقول انها ما حست بشي لانهم عطوها ابرة الظهر. والله يسهل عليج .

رقاوي مشكورة عزيزتي ترى انا مجربة الولادة قبل الغزو وكان متعب كثير بس الامور كانت مسهلة من الله اما الان ما اعرف عنه اي شي وعجيب كيف انها قريبتك اعطوها ابرة ظهر.....اخاف انهم تطوروا الحين وراحت علينا ........اندق بهالفلوس بالخاص وما نلحق ...... والراشد وحدة اعرفها امدحت فيه بعد ....ومثل ما قلتي السهالة من الله وانا متوكلة عليه سبحانه .....ولكن ما خاب من استخار واستشار
تحيـــــــــــــــاتي لك

نسيت اسالك عزيزتي (لجمي )الطبيبة الهندية انا سمعت انها ما تولد بس للمعالجة وش رايك؟

السلام عليكم

أنا أنصحك تروحين مستشفى السلام دكتورة ( فيجايا) ترى وايد ممتازة وأنا مجربتهاوالصراحة المستشفى عناية ورعاية أكثر.

واحذري من الذهاب إلى مستشفى حكومي.

حبيبتي ضوء القمر بالنسبة للدكتورة لجمي بنت خالتي ولدت عندها وتقدرين تتصلين تلفون وتسالينها. اختي سارونة انا ولدت بمستشفى السلام سنة 96 طبعا الرعاية والعناية انا معاك فظيعة بس الولادة لوعوا جبدي واللي ولدتني فيجايا بس الحين ما ادري يمكن تعدلوا وانا معاك المستشفى الحكومي ينخاف منه بس انا كان قصدي ان اذا الله يبي يسهلها لو تييبين اردى دكتور صدقيني راح تكون الولادة سهلة على العموم عزيزتي ضوء القمر انت اخذي اكثر من راي وحاولي تسالين رفيجاتج وقريباتك وانشاء الله تستقرين على راي .