السلام عليكم ورحمه الله وبركاته
والله ياخواتي اني بضيقه من سالفه الفقش ( تعطيها بوجهك وهي قاصده) انا ماابي مجامله لااا بالعكس ابي الكلام متسنع اقل شيء الصدق احس ان اهل زوجي خاصه الام والبنات وجده زوجي يوجهون لي كلام مؤلم مدري كيف اوصف لكم احس بغيرتهم ومرات كرههم وتسميع كلام لك الله عليه مثال
انا اول زوجي كنت اصقط واطلع مع زوجي للبر ونسافر ولما نرجع اخته تقولي يالله سافرتي غيرتي جو امه تفقشهاا بوجها تقول خليها تتمشى لاولد ولا تلد لاقدامها ولا من وراهااا والله حسيت بغصه وكتمه وقمت من المجلس لان هذا من ربي مو بيدي التسقيط
وربي رحمني وحملت وجبت ولد ولما طلعت من الاربعين جبته لهم بكل بشاشه وابتسام على انه ولدهم الا تقولي جدتهم اللي تجيب العيال مفلسه البنات احسن انا مارديت هذا رزق من ربي ومابيدي اختيار
والبنات المتزوجات والغير منزوجات حدث ولا حرج .. ولدك يقول امي حيوانه ويضحكن وربي ولدي مايعرف يتكلم رديت وقلت ماقد سمعاها مني يمكن انتن تنادن بعض وهو مسكها منكن ويناديكن بها على باله اسم لك
والثانيه تقول لااهل زوجها اني انا متوحشه واني اهاوش امها وابوهاا ومطينه عيشت اخوهاا واني عوباء وكلاام يغث والكلام وصلني من ناس ثقه وطنشتهاا
وربي لو اكتب لكم المواقف ما نخلص بس تكفـــــــــــــــــــون هذولاء الناس كيف تتعاملون معهم
ايه بقولكم موقفين وربي بكوني برمضان اخته مسجون رجلها وساكنه عند اهلها لها 3 سنوات قليل كلامي معهاا لانها اذا شافتني قامت من المجلس مااردري ليه المهم برمضان ولدي حاس عندهم بمويه وانا كنت بالطبيب ولما رجعت امها لبسته من لبس ولدهاا لان انا مقفله الشقه لما رجعت اخذت ولدي وغيرت له ملابسه وحطيت ملابس ولدها على كنبه الصاله جاء ولدها الكبير ودخل وانا مادري واخذ الملابس لما صلى المغرب الاااا زوجي جاء معصب ويخانقني قلت له وش فيك قال بدل ماتشكرينهم على تلبيس ولدك ترمين ملابس الولد بالدرج وتمسحين به بالبلاط وربي بكيت بحرقه وحلفت له ان ولدها اللي اخذ الملابس ..
الموقف الثانيه اذا فقدت شيء من اغراض اعيالها مثل الالعاب تقول ان ولدي سرقهاا واني ماعرفت اربيه والله يمكن اللي يقرأ موضوعي الااف ان هم اللي سرقوا العاب اعيالي وانا ساكته
بس اللي قرني خلتني انا سرقت وش سرقت اقلاام سبوره وربي انقهرت انا لادرس ولا ادرس وش ابي فيهم ولاني فقرانه الاقلام مليات المكتبات وش فيهم الناس كذا كيف اتعامل معهم والله اكتب لكم وانا ابكي اهلي ماربوني اصير قويه انا مسالمه ولا اكذب ولا اظلم واهلي اغنياء ماقد قصروا علي بشئ مابي شيء بالدنيا الااا راحه البال
انا ساكنه عندهم بشقه فوقهم لااا تقولون اطلعي بيت زوجي رافض بحجه انه اكبر اخوانه وامه ماتقدر تستغني عنه وانا مابي يكون عاق ولا ابي احرشه عليهم لاااا انا مو من النوع هذا كل اللي ابيه الصدق والمخالفه من ربهم عجست مو قادره اتعامل من مثل كذا ناس
أناوالصمـــت @anaoalsmt_1
كبيرة محررات
يلزم عليك تسجيل الدخول أولًا لكتابة تعليق.
ريري777
•
السلام عليكم اختي اصبري واحتسبي
ولا عليك منهم والله راح يرجعةن لك لانهم راح يعرفون معدنك الطيب والله اختي كانت نفس الشي والحين الحمد لله بعد صبر 15 سنه عرفوا قيميتها والعمل الطيب والله ما يضيع الله يوفقك ويسخرك اهل الخير ويسخر لك زوجك واهله يارب
ولا عليك منهم والله راح يرجعةن لك لانهم راح يعرفون معدنك الطيب والله اختي كانت نفس الشي والحين الحمد لله بعد صبر 15 سنه عرفوا قيميتها والعمل الطيب والله ما يضيع الله يوفقك ويسخرك اهل الخير ويسخر لك زوجك واهله يارب
والله ياحبيبتي هادا حالنا مانقول الا الله يصبرنا والله الناس مدري اش صار فيها الحسد عمى قلوبهم الله يسخرلك زوجك
ردي عليهم بوقتها وخليك قويه لاتسكتين خليهم يحسبون لك الف حساب قبل مايتكلمون ...وخلي علاقتك معهم مره رسميه ولاتخلينهم يدخلون في خصوصياتك وانتي بعد لاتهتمين وش يصير في بيتهم ولاتسألين طنشي ...
الصفحة الأخيرة
بس الل اقدر اسويه ادعيلك
الله يسخر اهل زوجك لك ويسخر زوجك لك
والله يعطيك الصبر كمان