أهل زوجي

الحلا اسهل من الكيك وفرن
سوي حلا بارد مايحتاج فرن بس يحتاج ثلاجه اصرف لك

جيبي صينة باكلريس ورصي بسكوت شاي واخلطي قشطة ودريم ويب وكراميل وحطية فوق البسكوت وارجعي رصي بسكوت وعيدي الطريقة وزينه بفليك ودخلية الثلاجة

الكيك اذا تبين ينجح شغلي الفرن قبل ماتبدين عشان يسخن وتأكدي ان البيكنج بودر جديد وبالفريزر لان يخرب بالحر
واذا صرتي تتقضين جيبي كيك بتي كروكر اضمن لك ينجح بس المويه خليها كوب واحد عشان يكون متماسك وحطي عليها اذا بردت نوتيلا وزينيها بفرولة توت بسكوت مكسر او صوص نستله وكيري وملعقه فول سوداني

او سوي شعيريه باكستانيه مستحيل ماتنجح سهله
كيسين مكسر وتحمصينها باصبع زبده بعدين تصبين نستله وتحركين بعدها حطيه بقوالب او بصينيه اللي معها قطاعه اسرع لك وزينيها باوريو او فستق

واذا زوجك يرفض اطلبي انتي ياكثر البرامج مرسول جاهز الرجال يتعيجزون ينزلون وينتظرون ماالومهم

اهم شي ماتروحين ويدك فاضيه سوي شاهي وخذي كيس مكسرات
او قهوه وتمر فوقه طحينه ولوز محمص

طيب سوي شي غير الكيك.
فيه اشياء سهله ومستحيل تخرب.
البسكوت المطحون مع الزبده هذا إبداع.
تحطينه في صحون صغيره كقاعده وتتفننين في الخلطات الي عليه.


السينبون الكذاب برضه حلو ومستحيل يخرب.
دوري شي سهل.