السلام عليكم ياحلوات ...
بصراحة أنا ماعندي ذيك المشكلة ,, بس فيه شي يضايقني وأبي له حل ..:06:
أنا سلمكم الله متزوجة وعندي ثلاث أطفال وعايشة فوق أهل زوجي ,, والحمدلله متفاهمين ومابينا ذيك المشاكل ,, لكن أنا يضايقوني في شي واحد وهي طلباتهم ماتخلص ,, قسم بالله أحيانا أحس إني بقالة
.. كل شوي طاقين علي الباب نبغى :رز ,, طماط ,, زبدة ,, شامبو ,, خبز ,, لبن ..
وأنا من النوع اللي لو أموت جوع وزرجي مو موجود ماأطلب منهم شي << بتقولون طيب أطلبي منهم مثل مايطلبون منك (( والله أنهم لو نطلب قطعة بصل يقولون ماعندنا ويبدون يتعذرون ,, يعني نطلب ولانعطي !!
والمشكلة زوجي تمر عليه حالات مادية صعبة ولايراعونه ...
وللمعلومية أنا أشارك في مقاضي البيت وأحيانا أنا أجيبها من _ إلى ( في حال زوجي مر بحالة زنقة ) << أنا ذكرت هالشي عشان ماأحد يقول ولدهم ولهم حق عليه ..
والله أحيانا نتقضى ونقسم أغراضنا بينا وبينهم ,, بس سبحان الله لما الاغراض تجيهم منا يحسونها جاية ببلاش فلا يقتصدون ومسرع مايخلصونها
ويرجعون للموال حقهم ( عطونا كذا وماعندكم كذ ؟؟ )بصراحة أنا طفشت وحامت كبدي ,,, فما أدري كيف أتصرف معاهم وأفهمهم هالشي اللي مضايقني بدون ماأجرحهم ..
أنا ماأبي أسوي لهم مشاكل ,, كل اللي أبغاه يفهمون المغزى من اللي يضايقني ..
والسالفة مو بخل ولا شي .. بس انتم عارفين صارت المعيشة صعبة شوي ...
والله أنا أحيانا أعطيهم أغراض أبيها وأستحي أطلب من زوجي يجيبها لي (مراعاة لحالته وظروفه ) ..
أدري طولتها وهي قصيرة .. بس شسوي هذا شي في خاطري وحبيت أفضفض شوي ,, وإن كان أحد عنده طريقة
أسويها تريحني من هالطلبات المزعجة فياليت يفيدني ..