هلاوالله ومرحبا باللي عبروني ودخلوا موضوعي
بس رجاءً لاتفشلوني...........ابي أرائكم وإقتراحاتكم
المهم المهم ندخل بالموضوع
هذولا أهل زوجي يبي يزورونا بعطله هاالاسبوع وبما أني ساكنه بمنطقه بعيدة عنهم بيجلسون عندنا إربعاء وخميس وجمعه وذي اول مره يجون لمنا<<<<<< والله أني محتارة كيف أستقبلهم وأقوم بواجبهم وأبيض وجه زوجي وبالمره أخلي زوجي ينبسط مني:arb: ومحتاره وش اقدملهم حلاوطبخات:angry: بالايام الثلاث>>>>>>>>>>>>>>لاتبخلون بأرائكم لأاني محاجه مشورتكم حييييييييييل
وهاذي وردة للي تعطيني رأيها:26: :26:
بطيخه حمرا @btykhh_hmra
عضوة فعالة
يلزم عليك تسجيل الدخول أولًا لكتابة تعليق.
يربي يسلم كل وحده ردت علي وعبرتني
أم مقبل>>>>>>>>>>>>تسلمين يالغاليه على أفكارك الذوق وبأحاول أطبق لو بعضها بس ماجبتي طاري العشاء هو اللى يحير،، الغداء أكيد بيصير دسم صواني وسلطات وغيرة والعشاء الافضل يكون خفايف بس أخاف يكون فشيله
بحر الزين>>>>حبيبتي أنا ساكنه بالاحساء
أم مقبل>>>>>>>>>>>>تسلمين يالغاليه على أفكارك الذوق وبأحاول أطبق لو بعضها بس ماجبتي طاري العشاء هو اللى يحير،، الغداء أكيد بيصير دسم صواني وسلطات وغيرة والعشاء الافضل يكون خفايف بس أخاف يكون فشيله
بحر الزين>>>>حبيبتي أنا ساكنه بالاحساء
الصفحة الأخيرة
:26: هاتي الورده :26:
بسم الله بعطيك اللي عندي واتمنى اني افيدك لو بشوي
انا احب التفاصيل الصغيره لانها هي اللي تبان اكثر شي عشان كيذا ببدا فيها
اول شي الغرف اللي بينامون فيها اهم شي مفارش جديده الوانها تكون مريحه يعني لاتحطين غوامق عشان يحسون انهم بفندق خمس نجوم :42:
اذا عندك ثلاجه صغيره حطيها بغرفتهم وعبيها مويه وشويه حلويات مشكله ومشروبات مختلفه
واكيد بخري الغرفه زين ولاتبقين بالغرفه اي شي لكم شخصي ملابس مفارش ع الجمب نهائي الا الصور اذا عندك اطفال حطي صورهم بالغرفه او صور لزوجك يكون بروازها حلو وزعيها ع الطاولات واذا هي تتعلق علقيها
وخلي الاضاءه خافته شوي لان الاضاءه الخافته والمكيف اهم شي المكيف خلي بارد مع الاضاءه يعطي جو راحه وامان صدقيني (لاتضحكين علي احب التفاصيل كثير )
والبيت اغسليه الف مره عشان يدرون ان مرت ولدهم سنعه تدرين حنا بهالوقت غبار وهقه
المهم اذا جو بالسلامه ان شاء الله اهتمي اكثر شي بالتميز لاتجيبين شي تقليدي بقد ماتقدرين
مثلا القهوه عندك الفناجيل البسكوت الي اذا خلصتي شاربه القهوه تاكلينها شفت وحده من الاخوات بالمنتدى تنبيعهم حلا القهوه اذا تعرفين تسوي احسن واحسن واذا ماتعرفين خلي حدى قريباتك تسويلك عشان يبان انه من البيت ويبان قد ايش انتي سنعه :22:
الشاهي حاولي تجيبين السكر اللي يجيك فيه حركه اذا انتي من الرياض تلقينه بالحمود والمعجنات والموالح جيبيها من برا لانها تجي صغار صعب الوحده منا تضبطها
اذا وصلو بالسلامه سواء جو على وقت غدا او عشاء بالنسبه لي افضل تجيبن ذبيحه على دخلتهم تقدير لهم :icon28: صدقيني بيقولون ليش كلفتي على نفسك ومن هالكلام بس من جوا مره راح ينبسطون
اليوم الثاني
بكري شوي بالقومه وسوي فطور
والغداء
ارفعي كمومك وادخلي المطبخ واديلوه طبخ ونفخ سوي صواني اذا عندك اطباق التخبه الكتاب العنابي اذا تعرفينه صراحه مررررررره اطباقه لذيذه وتضبط من اول مره
فيه طبق مره لذيذ ومره سهل ( هذا ياطويله العمر تاخذين صدور دجاج اللي بدون عظم وتقطعينه مربعات صغيره وتجيبين بطاطس وتقطعينه مربعات صغيره وتجيبين بروكلي وتفككينه عشان تصير الاحجام متناسقه وعلبه فطر مقطع , تجيبين القدر وتحطين فيه شويه زيت وقطعي بصل وحطيه ع الزيت وبعدين البطاطس وشوحيه وبعدين الدجاج المربعات وحطي عليهم شوي بهار مع حبه ماجي وشوي ملح مره شوي عشان مايرتفع ضغطهم بعدين تحطين الفطر والبروكلي وتصبين عليهم قشطه الخفق وقلبيهم شوي وبعدين حطيهم على صينيه ودخليها الفرن بس من فوق لين تحمر شوي وقدميها مع خبز مره لذيذ صراحه ولاتاخذ وقت)
طبعا لاتنسين السلطات
وبعد العصر خوذيهم مشيهم برا
هذا اللي عندي واذا تذكرت شي اضفته :(