أهل زوجي معزومين عندي

الله يسهل عليك <<<<<<<<<<<< وحده عليميه

هلا عزيزتي

اول شي لازم البخور شغال على طووول وانتي بعد تكونين متكشخه ومتبخره وحاولي يكون الاكل من طباخكم في البيت مو من المطعم نصيحه والله زوجك بيفتخر فيك

اول مايجون استقبليهم بالعصير الطازج ... بعدين الغداء

حاولي تجهزينه قبل يوم عشان تكونين مستعده

بعد الغداء حطي بخور وجهزي على طاوله دهن عود انتي او زوجك يدور عليهم ويحط لهم من العطر

بعدها الحلو والفواكه تحطينها بسله وتوزعين عليهم صحونك الكشخه مع السكين والشوكه

تقدمينه مع الشاي او القهوه

وحطي نعناع بالشاي المجفف

والقهوه هيل

وان شاء الله تطون عزومه موفقه الله يوفقك يااااااااارب

والسموحه

تقبلي تحياتي وقبلاتي اختك
آلاء

السلام عليكم

اهم شيء خليك مبتسمة ورحبي فيهم طول الوقت عشان يحسون انك مبسوطة لجيتهم وماثقلوا عليك..

اذا راح يجونك بدري من المغرب مثلا حطي القهوة والتمر ونوع حلا او ممكن تشكلين بصينيه انواع من الحلا ..بعدين الشاهي ممكن يكون انواع ساده ونعناع وزنجبيل وشاهي اخضر مثلا ومعاه مكسرات ومعجنات ..بعدين العشاء خليه مشكل سلطات على صياني على رز ولحم ومثل ماقالت الاخت الاء خليه طبخ بيت الا اذا كانت العزيمة كبيرة مررررره وحطي العصير مع العشاء وسوي بوفيه مصغر للحلا نوعين او 3 حلا عشاء مع فواكة وممكن تبدعين بالفواكة بأنك تقطعين الكيوي انصاف وتثبتين فوق كل واحده حبة فراوله باعواد الاسنان او تفكين المانجا وتحطين بوسطها رمان او عنب او كرز...والاكلات شوفي اطباق عالم حواء..

اما اذا كانوا بيجون بعد صلاة العشاء حطي مع القهوة حلا وتمر اما الشاهي خليه لوحده على اساس ياكلون العشاء...

يقول المثل لا قيني ولا تغديني ..
بمعنى اشعريهم انك مبسوطه من جيتهم ..مهوب ساكته ولا تبتسمين وكل ما قالو لك تعبناك قولي تعبكم راحه هههههه عن جد الناس يحبون هالكلام واحلى شيء يكون طبخك بالبيت مو تجيبين من برا واذا ما تعرفين خلي احد يساعدك من اخواتك او امك ..والله يسخرهم لك

ماقصروا البنات

وخلي كشرتك كنك فرحانه بيوم زواجك وهلي فيهم وخليهم يحسون انك فرحانه فيهم وانك تحبينهم وتغلينهم واكرميهم

والبخور على قولة الاخت لاززم تحطينه على طول اول مايجون وبعد العشاء


وش رااايك عندي فكره

سوي هديه صغيره عباره عن شريط مثلا واطبعي عليه بالاله الكاتبه او التسجيلات ترى يطبعون لك الي تبين على الشريط واكتبي عليها عباره ترحيبيه خاصه فيهم
واكتبي تاريخ الزياره

خليهم يحسووون انهم سبيشل

والا اقول جيبي شريط حلو وجديد من التسجيلات واطبعي انتي على الكمبيوتر عباره ترحيبيه لكل واحد من افراد العائله بأسمه واطبعيها علا ورق لاصق عشان تلصقينها على الشريط وحطي معاها حلويات والا شي
واذا ودعتيهم وزعيها عليهم

وخلي كلمه يالله حيهم وهذي الساعة المباركه وتو ما اسفرت وانورت

و و و من هالكلام الحلو علىة لسااانك

وان شاء الله اجيب لك زيادة افكار بعد