أهل زوجي والسحر

السلام عليكم ورحمة الله وبركاته كيفكم بنات بختصر عليكم مشكلتي قد مااقدر رغم انها معققققدة وكثيرة ومتشابكة جدا المشكلة صارت تحديدا من ٤ سنوات انا عمري ٣٥ وزوجي ٤٩ وعندنا ٣ اولاد وامورنا طيبة نوعا ما والحمد لله انا جداوية وزوجي جنوبي وعايشين ف جدة نقطة الخلاف بدأت من ١٨ سنة اللي هي من اول زواجنا والسبب انهم من الناس اللي مايحبوا الا بنات القبايل وشايفيني طرش بحر ومن هالكلام😔تجاوزنا هالامور انا وزوجي بكل مافيها مع اهله ولكم أن تتخيلوا حجم المعاناة طول هذه السنوات ولكن الخمس سنوات الأخيرة جا تعييني بالحكومي وللاسف سحبت عليه لأنه كان مهددني بالطلاق طبعا البركة ف اهله ومجتمعه المريض اللي ماخذين فكرة عن الممرضات تركني وقتها عند اهلي ٧ شهور معلقني وملّك عليا وطلقها وقت الملكة لاسباب اجهلها ليومكم هذا وقتها اتصل أبوه ع ابويا الله يرحمه واتهموني بممارسة السحر والدجل لزوجي وحسبنا الله ونعم الوكيل وابويا كان مريض بالقلب والسكر💔 ولا شكيناهم وعدت الايام وتم الصلح وبدأوا بالتمادي أكثر فأكثر زوجي من النوع اللي يتأثر كتييير بكلام اللي حوله وهذا العيب اللي فيه خرب بيتنا وشتتنا تعالجنا انا وهو عند رقاة سنووااات وربي ماكتب لي الشفاء مرت السنوات وجا تعييني الثاني بالحكومي وقررت هالمرة اني اغامر وأحط زوجي قدام الأمر الواقع وندممت طلقني وانا طالعة اخلص اوراقي عند باب الشقة تخيلوا الصدمة ووقتها ابويا متوفي له شهر فقط😭💔💔💔وحسبي الله ونعم الوكيل ع من كان السبب بعد ١٨سنة زواج لأول مرة زوجي يطلقني وحسبها القاضي طلقة وحدة جلست عند اهلي شهرين تقريبا قررت اكمل علاجي مع الرقاة وخلال جلستين فقط تبارك الرحمن تشافيت تماامااا وقتها تخيلوا باقل من أسبوع زوجي ملّك واخواته حاطين صور وحالات بالواتس شمتانين وانا ليل ونهار ادعي عليهم كلهم قلبوا فجاة وظهروا ع حقيقتهم والله العظيم زوجي ماكمل ٣ أيام الا وهو مطلقها!!ولا اعرف السبب ماراح تصدقوني ادري انه شي مايتصدق ورجعت له رغم كرهه الشديد لي بس لما شافني لان قلبه😢ورجعنا لبعض وابشركم اشترينا بيت العمر بعد صبر ١٨سنة وتشافيت من السحر والمس من جلستين فقط بعد يأسي وناوية نكمل علاجنا شوفوا نهاية الصبر والدعاء بإلحاح سبحان الله ورب ضرة نافعة وعسى ان تكرهوا شيئا وهو خير لكم عوااااتكم ان ربي يكفينا شرهم ارجووووكم ان ربي يصلح الحال اهله كارهيني أكثر من اول وكارهين ولدهم ومقاطعينه هالمرضى!!!الله لايذوقكم اللي ذقته