أهل زوجي وبنتي

السلام عليكم
اه يا بنات أحس اني ببكي على بنتي انا وأختي سلفات عندي بنتين وعندها ولد وبنت بنتي الكبيرة وولدها الفرق بينهم سنة هي عمرها ثلاث سنوات وهو سنتين يعني أصحاب وأهل زوجي ما عندهم اطفال غيرهم يعني بس هم الاثنين اللي يلعبو مع بعض واحيانا يضاربو وهم مرة يفضلو ولد اختي على بنتي انا والله أحب ولدها مثل ما أحب بنتي
مثلا إذا هو يضربها يتفرجو وهي والله تخاف أن تدافع عن نفسها لأن الكل يهاجم عليها مرة سألت عماتهم ليش تفضلو الولد على بنتي قااااالو لأنه ولد تخيلو يقولو نحب الولد أكثر من البنت طيب وش ذنب بنتي وهي تشوف صاحبها يدلل وهي بس تتفرج وتجي تقولي فلانة أعطته وما أعطتني وسوت له وما سوت لي أمس أهل زوجي عندي ابوي زوجي كان يتعشى وبنتي تبغى تخرج من الغرفة والولد قام بسرعة يقفل الباب وبنتي ما سكة الباب وشوي كان يدخل اصبعها وهي شابت اليد وهو قفل الباب وبنتي دفته لانها تعورت وصارو يضاربو وأبو زوجي ماشاف لمن بنتي ضربت وأول ما شاف يضاربو يصرخ على بنتي انتي ليش تضربينه مع أنه شاف لمن هي تعورت في الباب وصرخ عليها اخرجي ودفها وطلعها من الغرفة وقفل الباب وحضن الولد والبنت تبكي برة
ودوم يقول لبنتي ما أحبك أحب فلان
وحتى أخوات زوجي لمن هو يأخذ من بنتي شي أو يضربها والله يسكتو ولمن هي تبغى منه شي أو تضربه يهجمو عليها
كلهم يلعبو معاه ويدلله وبنتي توقف وتشوف وتبغى يسوونها مثله وتقول سوي لي مثله وما يسوون لها
وهم مرة ما يحبون لمن بنتي تجلس جنب أبوها أو لمن يشيلها يقولو عيب وزوجي لسا يجلس إخوانه جنبه ويمسكهم مع أن أعمارهم في 14 ونحوه
مين مرت مع أهل زوج جهلة كذا والله ابكي على بنتي دايما لأنها وحيدة وهم ما يحبون إلا الولد
أعطوني آرائكم