أهل زوجي وبيتي الجديد

السلام عليكم
أخواتي الله يخليكم فهموني أنا بدأت في بناية بيتنا والحمد لله
ولكن أهل زوجي عاملينها مناحة لأننا سنخرج من السكن معهم
هو لم يقصر مع أهلة أبدا الحمد لله زواج البنات وزواج الأولاد حتى البيت اللي ساكنين فيه زوجي اللي أسسة
الدنيا زحمت في بيت العيلة قلنا نستقل بحياتنا ونوفر لأولادنا سكن خاص بينا على الأقل يكون سندهم
أخواته البنات ما شاء الله كل واحده ساكنة في سكنها الخاص
أما الأولاد حماتي عايزة تحطنا في بيت واحد ولو طالت تحطنا في غرفة واحدة وتقفل علينا :angry2:
انا تعبت من المشاكل زوجي ولله الحمد هو اللي قرر السكن الخاص مفيش مشكلة منه
المشكله حماتي زوجي دائما خايف على زعلها وهي لا تهبط ابنها راضيها وبردة مفيش فايدة
تدعي على اللي يفرق الولاد عن بعض سبحانك يا رب وطلبتها اللي مبتخلصش من زوجي كأنها عايزة تخلص الفلوس اللي معنا حتى لا نكمل بناية !!!!!!!!!!!!
انا لم تعد عندي اي رغبة في أي شئ من كثر المشاكل حتى وقفت كل تجهيزات البيت الجديد ( كنت بدات في تجهيزات المفروشات )كنت سعيدة ولكني الأن لا حول ولا قوة الا بالله
يا بنات انا كنت بساعد زوجي دائما انه لا يرد لأبوه او أمه طلب كنت معتقدة اني بهذة الطريقة انهم في المقابل سوف يقفوا جانبنا في كل خطوة أو قرار نخطوة
الحقيقة الطريقه هذة رفعتني جدا في نظر زوجي وفادتني في حياتي معه الحمد لله يارب
حاولنا نفهما مفيش فايدة ابدا الله يهديها

المشكلة الثانية حاليا خايفة من ناحية من كثر دعائها وكأننا أجرمنا هل صحيح يمكن أنا تفكيري ضيق ؟؟؟
بنات انتوا جربتوا هذة الحالة هل في أمل؟؟؟؟
على فكرة أخواته كلهم بيساعدوها ويقولوا ليه التكاليف طبعا ما هو أول مرة يكلف نفسة لكن بعيد عنهم ليه ولأولادة الله يسامحهم
انا زعلانه عارفين بعد العمر ده كلة ووقفتنا جنبهم في الكبيرة والصغيرة يضايقوه ويزعلوه مش قادرة اسامحهم