أهل زوجي يحبوني أكثر من ولدهم .....وش اسوي

السلام عليكم الغاليات ...............
ما بطول وبدخل بصلب السالفة
أنا يا طويلات العمر عندي اهل زوجي أطيب من الطيبة بحد ذاتها ( الحمدلله ) وأسكن معهم وأم زوجي صايرة ما لأجدر افارقها ، تخيلوا قبل لا أروح الدوام تسوي لي بوفيه ريوج وش العصير الفرش ووش الاكلات
هذا غير الهدايا وكل اسرارها عندي .(ربي يدوم المحبة )...الخ
والحمدلله انا نفس الشي معها ما مقصرة خلال فترة بسيطة كسبت ود كل العيلة خصوصا أن بيت اهلي بمنطقة بعيدة وااااااايد عني :(
المشكلة اني انا واااااااااايد اجتماعية واحب الضحك وقلبي طيب وع نياتي زيادة عن اللزوم ( صدفت نفسي طايحة مدح )
وزوجي عكسي صح طيوووووووووووووب ومرح بس بقياس ، يعني جنتل مان زيادة ما يحب الضحك الزيادة ولا يريدني احتك باي احد خصوصا اني جامعية وموظفة وهو من عيلة اصلها طيب وكذا :(
انا تعودت بصعووووووووبة ع طبعه ، بس اهله ووووووووايد مضايجين
انا اسولف مع ابوه وامه وخواته اكثر بوايد منه
اعرف مشاكلهم اطلع معهم اسهر وياهم ونضحك واسامح اي غلط منهم واعديه
عكس زوجي الي طبعه كذا ما يحب الكلام الزايد وحساس جدا وما يسامح اي حد يغلط فيه حتى لو اهله :(
حاولت معه ماشي فايده
واحس اهله صاروا يقارنوا بيني وبينه وصاروا يضايقوا من طبعه وايد خصوصا امه وابوه
تخيلوا امه تجولي : لا تدلعيه - ديري بالك - لا تسمحي له يتحكم بحياتك وكذا
احيانا من كثر ما اهله يتشكوا منه اضايق انا منه
المشكلة ان اهله ناس تعودوا عالدلع وحياة الفرفشة وخوات زوجي ربي يحفظهم دوم دلع وشيك وعالموضة وهذا وايد يضايق زوجي وابوه وامه يجولوا عادي ما يخصه :(
تخيلوا ان ابوه يجول اذا غلط ولده علي ( يقصدني) يا ويله وسواد ليله البيت لي والعتبه لولده ، واخو زوجي يقول اذا مس زوجته بخنقه بيخنق اخوه :(
انا دوم احاول احسن صورة زوجي وامدحه امام اهله بس ماشي فايدة
احاول كل ما نطلع انا زوجي اخذ وحده من خوات زوجي معي بس زوجي ما يرضى
زوجي يحس ان اهله يدلعوا البنات وااااااايد واسلوبهم هو ما يحبه
انا اتفق من اراء زوجي
بس اهله كذا مرتاحين وحياتهم شبه مثالية يحبوا بعض بجنون ومخليني تاج ع رأسهم
تعبت اسمع شكاوي اهل زوجي امه شوي وبتبكي منه وكذلك ابوه
انا احيانا من كلامهم اضايق واصير اعامل زوجي بقسوة :(
خوات زوجي مقتنعين اني ما سعيدة يحاولوا دوم يطلعوني اتمشى ويسهروا معي مقتنعين اني حزينة :(
انا مرتاحة الحمدلله مع زوجي وافهم طبعه واقدر وجهة رأي اهله
بس ما اعرف كيف اوصل لحل وسط بينهم :(:(
وش اسوي ؟؟؟؟؟؟؟؟؟؟؟؟؟؟؟