أهل زوجي يكرهوني .........
اولا , أحبكم في الله وأسال الله أن يبلغنا رمضان ونحن واياكم في أحسن حال ,مشكلتي مع اخوات زوجي وأمه يكرهوني لدرجة يضمرون الشر لي ويكيدون لي الليل مع النهار ,من تزوجت أخوهم وانا في مشاكل معاهم 12 سنه وانا ما ارتحت للحياه معاهم انا ساكنه معاهم في نفس العماره انا في الشقه اللي تحت وهم في الدور الثاني ,حاولت مع زوجي نطلع من عندهم واسكن بعيد عنهم واشتري راحة بالي لكن زوجي رفض بحجة كيف يترك بيت ملك ويستأجر وهو ظروفه صعبه وراتبه على قد حاله ,ودائما يقول لي اصبري وانا بدا صبري ينفذ وحده من اخواته قالت لي بكل وقاحه كلنا نكرهك ونتمنى لك الشر تصدقون اي مشكله تحصل لي او اي مصيبه لي او اهلي اول من يظهر الشماته هم اهل زوجي قلوبهم طافحه من كثر الحقد والكره لي واهلي واذا الله أنعم علي بنعمه اوفرحه مثل زواج لااخواتي اوتخرج اومولود مايحضرون ولا يباركون حتى ام زوجي تدعي علينا بعدم التوفيق ,حاولت اتقرب منهم لكن لاحياة لمن تنادي انا مسالمه وفي حالي وزوجي يحبني لانه يعرف اخلاقي وتعاملي الطيب ويعرف اني مظلومه لكن احيانا يكسر خاطري ويقول لي كنت اتمنى اشوفك انتي واخواتي مثل الاخوات وتدخلين عليه مثل بنتهم لكن الاسف ماتوقعت من اهلي تصرفاتهم واحيان يترجاني ازورهم علشان خاطره في الاعياد والمناسبات ويترجاني مثل الطفل واطلع علشان ربي ثم علشان خاطره واسمع لي تجريح وكلام كله حقد وكره واتحمل لكن في السنين الاخيره قاطعتهم وارتحت ,مره طلعت لهم اعزيهم في وفاة جدهم والد امهم وتصدقون قالت لي عمتي انتي جايه تشمتين فيني قلت لها الموت كأس كلنا شاربينه قالت لي ان شاء الله قريب تشربينه وتدخل زوجي وفض النزاع بينا ونزلت لشقتي ودعيت عليها لين اصبح وكانت ذيك الليله من ليالي رمضان تدورون كل هذا الحقد ليه تقول للناس اني لست فائقة الجمال وسمراء وعاديه الشكل واهلي ناس على قد حالهم ولان زوجي اختارني واصر على الزواج مني بالرغم من أعتراض امه واخواته لكن ماعرفت انهم معترضين ومايبغوني زوجه لولدهم الا بعد الزواج ,الحمدلله زوجي مقتنع فيني ويحبني ,حاليا يواجه ضغط شديد من أهله وخاصة أمه علشان يطلقني ويتزوج غيري لاني ما انجبت أمه ماهي راضيه الا بالطلاق , وانا قلت لزوجي تزوج ارجوك لاتطلقني زوجي حالته النفسيه سيئه وطول الوقت ساكت وانا احترت في أمري واحيانا افكر الانسحاب بهدوء من حياة زوجي .
30
42K
يلزم عليك تسجيل الدخول أولًا لكتابة تعليق.
Queen^^
•
حسبي الله عليهم الله يرد كيدهم في نحرهم ويارب تاخذين حقك منهم عاجل غير اجل وراه امه تبي تزوج ولدها ملاك!!
الجمال جمال الاخلاق مو المظهر انا نصييح لك تحاشيهم لاتجينهم وش تبغين بالمذلة وفهمي زوجك هالشئ وقولي له هذا فوق طاقتي انا مااتحمل يكفي اني زوجتك واهتم فيك ومالي دخل فيهم
ويارب ربي يرزقك بالحمل قبل مايدخل شهر رمضان وتفرحين وتنبسطين وتبشريننا ويفرج ربي كل همومك اللهم امين
الجمال جمال الاخلاق مو المظهر انا نصييح لك تحاشيهم لاتجينهم وش تبغين بالمذلة وفهمي زوجك هالشئ وقولي له هذا فوق طاقتي انا مااتحمل يكفي اني زوجتك واهتم فيك ومالي دخل فيهم
ويارب ربي يرزقك بالحمل قبل مايدخل شهر رمضان وتفرحين وتنبسطين وتبشريننا ويفرج ربي كل همومك اللهم امين
نوتيلا55
•
اسئل الله يفررج همك عاجل غير اجل
وي رب ي رب يرزقك بالذرية اللي تقر عينك وعين زوجك وتبعد عنكم المشاكل
مابعد الصبر الا الفرج هانت
وربي كريم بيكرمك ي قلبي
وي رب ي رب يرزقك بالذرية اللي تقر عينك وعين زوجك وتبعد عنكم المشاكل
مابعد الصبر الا الفرج هانت
وربي كريم بيكرمك ي قلبي
الله يرزقك ان شاء الله ويفرج همك،،
زوجك الله يخليكم لبعض عمله نادره بها الزمن نصيحتي لا تفرطين فيه ماراح تلاقين احسن منه،،
واهله لايكونون اكبر همك اللي مايحترمك ويقدرك خسرانه افضل تواصلي معاهم في المناسبات وبما يرضي الله وان سمعتي منهم مايكدر خاطرك اسمعي من هنا وطلعي من هنا دام زوجك عارفك وش عليك منهم حسبي الله ونعم الوكيل فيهم الله يشغلهم بانفسهم عنك،،
زوجك الله يخليكم لبعض عمله نادره بها الزمن نصيحتي لا تفرطين فيه ماراح تلاقين احسن منه،،
واهله لايكونون اكبر همك اللي مايحترمك ويقدرك خسرانه افضل تواصلي معاهم في المناسبات وبما يرضي الله وان سمعتي منهم مايكدر خاطرك اسمعي من هنا وطلعي من هنا دام زوجك عارفك وش عليك منهم حسبي الله ونعم الوكيل فيهم الله يشغلهم بانفسهم عنك،،
الصفحة الأخيرة
أسال الله الذي يعلم مالا نعلم ان يرزقك الذرية الصالحه اامين