أهل زوجي يكرهوني ويفضلون زوجه حماي علي...

السلام عليكم ورحمه الله وبركاته


خواتي باقولكم عن مشكلتي..


انا متزوجه من 9 سنوات ، وصارت في البدايه مشاكل مع اهل زوجي ، والله العالم اني كنت مظلومه ،، واللي زاد الطين بله ، ان اخو زوجي تزوج ، وأهل زوجي عشان يغيظوني ، فضلو زوجه حماي علي ،، وعيالها على عيالي......



للأسف انا كرهتها ،، من كثر ما يفضلونها علي ، تدرون انا ما شفتها الا مره في خلال التسع سنوات؟؟؟؟؟!!!!!!!



والله اني مو حسوده ، لكن يا اخواتي اشعر بمراره وانا اسمع ام زوجي تفضلها وتمدحها ، وانا تذم فيني عند الناس......



حسبي الله ونعم الوكيل فيهم....


بس يا أخواتي لي متى بنفضل على هالحال؟؟؟

اهل زوجي يفضلونهم علينا ، ويفضلون اخو زوجي على زوجي ...

تصدقون زوجي يزور اهله مره بالشهر بس ، يقول بيت ابوي صار مالي حق اتحرك فيه،، صارت زوجه اخوي الغريبه اهي الاولى في البيت وتطلع وتدخل على كيفها ، وانا اذا اروح لهم يقعدوني في الصاله مثل الغريب.؟؟؟


خواتي والله اني متضايقه ،يعني عيالي قامو يحسون بتفضيل اهل زوجي لعيال عمهم عليهم

بس اللي مضايقني اكثر ، لي متى بنفضل على هالحال؟؟

السنين تركض والعيال بيكبرون واهم ما يعرفون عيال عمهم؟؟

المشكله اني كل ما ازور اهل زوجي يغثوني بكلامهم واطلع اصيح.......


شنو الحل ساعدوني الله يخليكم