أهل زوج امي ... والمشاكل

صباح الخير على الجميع

كيفكم ياا حلواات ؟؟؟؟
والله مره اشتقت لكم و لمنتدنا

لي فتره ما دخلت بسبب الامتحانات و نقل من بيت لبيت و هلم جرا

على العموم لا اطول عليكم


حبيباتي بعد ما خلصت معمعت الحياة قلت لزوجي ابغى ازور امي بالمدينه و اقعد حق اسبوع

و رحت عندها , المشكله هنا>>>>>> زوجها و اهله

زوج امي يبغى كل شي علة كيفه , مثلا لما يجي يبغى البيت يبرق و الكل صاحي

لازم نتغدا او نتعشا على سفره وحده مره من المرات انا ماكنت جيعانه على الغدا سوى هوليله و ليش ؟ و عشان ايش؟ يا اخي انا ما ابغى ؟

انا عندي اولاد صغار ولدي 4 سنين و بنتي 2 سنتين ممنوع يمسكه شي او اذا كبوا شي

طيب رحت وتفاهمت مع امي قلتلها ما يجبرنا على شي احنا ما نبغاه يعني انا ضيفه و في ببيت امي و المفروض اجي انبسط مو اقعد اشيل هم

قالت هو يحب انو نكون كلنا مع بعض و اذا قال شي فمن باب محبته

نجي عند اهله , اهله شايفين نفسهم يعني كانهم اشراف و احنا العبيد , يوم من الايام اخته عزمتنا على العشاء

نزلت امه وصرخت علينا انتو ما جهزتوا يللا , قالت لها امي : خلاص روحوا و احنا نلحقكم , قالت لا , ورحنا واحنا حلتنا حاله, و انا مره تنكدت

وصلنا عند اخته زوج امي ,كان في بزوره و يلعبوا جات اخته صاحبت العزيمه و قدمت للاولاد شبس و عصير ... اولادي ما اعطتهم , تخيلوا , طبعا اولادي شافوا وصاروا يقولوا ماما نبغى , قلت لماما قالت يا شيخه يمكن ما انتبهت و قالتلي روحي و اطلبي , رحت و قلت لها يا فلانه ممكن تعطيني كيس شبس لأولادي قالت مااااااااااااافي!!!!؟؟؟

رحت ومن دون نقاش , حطوا العشاء الساعه2 بالليل تخيلوا طبعا ولادي جاعوا وناموا ياحبت عيني و انا ما اكلت كثير خلاص انسدت نفسي

تخيلوا طول العزيمه واهل زوج امي يقولولي : بسم الله علينا منك , اعوذ بالله, ليه ساكته شكلك حيه من تحت تبن , لو سمحت لا تجي بيتي , ياا عقربه

ايش يكون موقفكم ؟؟؟؟؟

قلت لامي يا ماما معليش هذي اول مر واخر مره اروح عزايم اهل زوجك ؟ قالت لا هم طيبين بس مزحهم ثقيل ,قلت طيب انا اوريهم المزح هذا

و جوا عند امي بعد كم يوم يشربوا الشاي و صاروا يمزحوا هذا المزح حقهم وحده منهم هي يلي قالت لي يا عقربها , رديتلها نفس الكلمه حزروا وش صار؟؟؟

قامت و صرخت و طلعت من البيت و ااهلها و ماما صارت تقول لا البنت صغيره و تمزح و و و

و زوج ماما غاب عن البيت 5 ايام و فلم كرهت نفسي

عاد كلمت زوجي قلتله تعال خذني بس ما قلت انوا اتضاربت مع اهل امي , و امي زعلانه , و االله مو جايلي نوم ولا لي نفس اكل وعيالي زهقوا من القعده

ايش اسوي ؟؟؟ عارفه اني زهقتكم بس خلاص طفشت من هذا الوضع . ترى هذي اول مره ادخل مع اهل زوج امي و انعزم عندهم مع انو امي صار لها متزوجه 5 سنين

توبه هذي اخر مره اجي على بيت امي شكلي بد كذا في فندق