أهل مصر الكرام، سؤال قبل شهر رمضان

فكرة حلوة يا نودى وكل عام والامة الاسلاميه بخير بمناسبة قرب حلول شهر رمضان

بالنسبة للمكرونات انا بفضل مكرونة ريجينا ومكرونة بيانكو لكن بالنسبة للشعرية اللى بتتحط مع الارز انا بفضل اللى بالكيلو احسن من اللى فى اكياس

شكرا يا دندون على مساهمتك المفيدة دايما معانا و ربنا ما يحرمنا منك

أنا بالنسبة لي يا دندون الارز باجيبه بالكيلو من السوق و اللبن برضه بتجيلي واحدة البيت بتجيب اللبن كل اسبوع و باخد القشطة بتاعة اللبن اجمعها في علب حلاوة قديمة في الفريزر و بعدين اسيحها و اعملها سمنة، كل 5 او 6 علب بيعملولي حوالي 3 او 4 برطمانات من برطمانات المربي الكبيرة، و باستخدمها في كل حاجة. الزيت باستخدم زيت ذرة عافية حلو و باحس انه مش تقيل
لما افتكر حاجة تاني حارجع لكم

الارز انا بجيب زمزم والضحى والكيس ال5 كيلو ب 14 جنية والارز الطويل الحبة بجيب العنبرى وبالنسبة للزيت بجيب عافية بعباد الشمش و صنى ال5 لتر للقلى .اما اللبن بيجيلى جركن 3 كيلو من مزرعة فلى الاسماعيلية كل اسبوع ب 10 ج الجركن فوق الممتاز وبستخدم القشطة لنفس الغرض او بعمل بيها الكيك والقراقيش

بالنسبة بقى للمكسرات و التوابل و الياميش و خلافه من حاجات العطارة، انا باجيب الحاجات دي من محلات ابو اليزيد للعطارة في طنطا في شارع درب الاتر و فيه كمان هناك محلات الحاج أحمد مرسي، بنلاقي فيها تقريبا كل حاجة لانهم من اشهر العطارين في طنطا و مشهورين بالتحاويج المخصوصة حسب الطلب