أه يابووي

السلام عليكم ورحمه الله وبركاته
كيف حالكم خوواتي ان شاء الله بخيير
اولا اتمنى من الله بقدرته وجلاله وكرمه يكرمنا بشفاء ابوي ويرد له صحته ويرفع ضره
ثاني شي القصه ومافيها ان ابوي حبيبي جاته جلطه بالقلب وعلى اثرها توقف القلب عنده ونقص الاكسجين عن الدماغ كثير ودخل غيبوبه لمده شهر تقريبا
وبعد الشهر بداء يفتح عيونه ويحرك ايديه وارجوله شوي شووي الحمدلله
المهم خرجوه الدكاتره من العنايه المركزه على التنويم العادي الحين له بالزبط ثلاث شهور من جاته الازمه
الحين ابووي عنده مشكله وازمتنا حنا اولاده كثثيرر انه مايعرفنا الا ثواني وبعدين يسئل من احنا
وغيير كذا يعصب كثيييرررر ويزعل ويضرب بيده احنا مانحاول نعصبه بس العصبيه ملازمته على طول
غير كذا ابووي حبيبي مايقدر يمشي ولا يتكلم
وله الحين يمكن اسبووع بس يبكي ماندري ليه وحتى اذا سئلناه مانفهمه لان ماله صووت
اهوو فتحو له للتنفس بالرقبه وبعدين شالوها قالو يارب لك الحمد ماعاد يحتاجها خلاص
بس الصووت خايفين مايرجع لانهم يقولون اذا التألم الجرح بيطلع صووته ابوي له شهر ما التأم الجررح مدري طبيعي ولا لا
وغيير كذا ابوووي بس يصيح ويتخيل اشياء تخوووفه وبس يمسك في اخواني وامي يقول لاتبعدون انا خايف
اللي ابغاه منكم خووواتي تطمنووني اللي مر عندهم حاله مثل حالت ابووي
تشوفون وضعه طبيعي وهذي اثار الغيبوبه ولا لا
وسالفه البكى والتخييل هذا طبيعي ولا لا
يعلم الله بحالنا وحال امي واخواني صغار اتمنى منكم دعووه لبوي حتى لو ماتكتبووها
اسئل الله العظيم رب العرش العظيم ان يشفي ابي ويرفع ضره ويرده لنا بصحته وعافيته


****تحديث الموضوع***

والدي توفى ادعو له بالرحمه والمغفره

رحمك الله يابوي وغفر الله لك وجمعني بك في الفردوس الاعلى
ان العين لتدمع وان القلب ليحزن وانا لفقدك يابوي لمحزنون
الحمدلله الحمدلله الحمدلله على كل حال





//تم التعديل من المُشرفة//