السلام عليكم ورحمه الله وبركاته
انا احترت كثير وفكرت كثير قبل لا انزل الموضوع ابي مشورتكم هل الاطفال فعلا يكون عندهم اصدقاء وهميين من صنع خيالهم مثل مانشوف باغلب الافلام الامريكية او لا وهل سبق حصل معاكم ان طفل من اطفالكم كان يتخيل شي مو موجود واتمنى لو اعرف رأي احد متخصص في طب او تربية الاطفال
انا ما ابي اطول عليكم وبقولكم قصتي :42:<< كل هذا وما طولتي
انا عندي ولد عمر 4 سنوات من قبل سنه تقريبا نقلت من شقتي الى شقة بعمارة جديدة يعني محد سكنها قبلنا قباله بيت اهلي << اخلصي تقولي قصة حياتك
مره من المرات كنت مع ولدي بالحمام الله يكرمكم وشوي اشوف الولد يطالع جنبه ويتكلم بصوت منخفض كنه يكلم احد كان اقوله انت تكلم مين كان يقولي "اودي " قلتله مين اودي قال صاحبي طبعا انا خفت وقلت :arb: القصه قال يعني وش تقصدين قلته اخاف يشوف شي قال لا توسوسين وسكت على الموضوع بعدها حصل اكثر من قصة بس كنت اقول خيال طفل
حتى حصل اني ولدت ورحت بيت اهلي نفاس ولعد صار ولدي يتكلم عن اودي ومره وانا عند اهلي كنت انا وهو في الغرفة لحالنا وكان يلعب كأنه يلعب مع احد لدرجه انه كان يتصارع وياه ويجري ويتكلم كان اقوله انت تلعب مع مين كان يقول اودي انا قلت لازم اتأكد هو موجود ولا خيال كان قلتله وينه انا ما اشوفة أشر على مكان بالغرفة ويقولي شوفيه قلتله وين مافي احد قال شوفيه بعصبية قلتله مافي احد كا اقوله هو وش لون ملابسه ابي اختبره كان يركز بنظرة في المكان ويقول اصفر بعدين يقول لا احمر وجلس يطالع في المكان بتركيزومحتار كان يقولي ماما هذا اصفر ولا احمر ويأشر عليه انا من جد صدقته وخفت عليه وصرت اقرى ايه الكرسي
لين رجعت بيتي خبرت زوجي وقلتله على القصه وقلتله لازم نتأكد كلم زوجي صاحبه وهو شيخ يقرا على الناس ويعرف في هذي الامور وسبق دخل بيتي كلمه زوجي
قال لزوجي ان شاء الله مافيه شي وسأل زوجي اذا كانت تظهر بيني وبين زوجي مشاكل اذا جا الليل او اذا كنا نسمع اصوات او كانت الاشياء تخرب في البيت والحمد الله كل من هذي الاشياء ماشاء الله ماتصير في بيتي ( وعلى فكرة انا ولدي جات فيه عين بعيونه ) قال لزوجي ممكن يشوف اللي مسببله الاذى بعيونه ونصح زوجي اننا نروشه بمويه السدر ثلاث ايام ورا بعض واعطى زوجي مويه مقري عليها نكب منها بأركان البيت طبعا كبينا المويه بأول يوم بس ماتوفر السدر وقتها ولما كنا بغرفة جلوسنا كان يضحك ولدي:hahaha: ويأشر على شي تحت الجلسة بعيد عن الركن قلناله تضحك على ايش قال اودي تحت الكنب :09: رشينا الاركان جا بوسط الغرفة
بعد استخدمت السدر صار وقت طويل ما يذكرة ومره رحنا المدينه المنورة كم يوم كان يقول اودي مسكين جالس بالبيت لحالة سأله زوجي هو وين ساكن حدد المكان بدقة قال ورا باب الصاله طبعا المكان على ركن خلف زحليقة ولدي
انا ساعات اقول خيال وساعات اوسوس وعلى فكره انا دايم احصن ولدي فجر ومغرب وولدي نموه طبيعي الحمد الله ومايشكي من شي
عارفة إني طولت عليكم و أتمنى أنكم تفيدوني واذا ما عندكم شي ردو على ولو بدعوة لولدي
يلزم عليك تسجيل الدخول أولًا لكتابة تعليق.
يا سبحااااااااان الله شئ عجييييييييب
الله يحفظ ولدك من كل مكرووووه يارب
والحمد لله طالما انه ما يصيبك شئ ولا ولدك ان شاء الله تكوون خيالات
ذكرتيني بوسام ودلال اللي في قناة براعم دلال عندها صديق خيالي تلعب معه اسمه رويد هههههههه
طبعا هالمسلسل اجنبي ومترجم واكيد هم يستعينون بعلماء نفس واطفال عشان يسوون اي شئ للاطفال
يعني يمكن هالظاهره طبيعيه
الله يحفظ ولدك من كل مكرووووه يارب
والحمد لله طالما انه ما يصيبك شئ ولا ولدك ان شاء الله تكوون خيالات
ذكرتيني بوسام ودلال اللي في قناة براعم دلال عندها صديق خيالي تلعب معه اسمه رويد هههههههه
طبعا هالمسلسل اجنبي ومترجم واكيد هم يستعينون بعلماء نفس واطفال عشان يسوون اي شئ للاطفال
يعني يمكن هالظاهره طبيعيه
بسم الله عليه الله يحفظه ويحفظ عيالنا
والله خفت وقف شعر جسمي وانا اقرا
صيري اقري عليه وحصنيه دايم
وليه ماتعرضينه على دكتور عشان تتطمني
وعلى فكره يمكن اودي هذا هو شخصية الكرتون في فيلم حكاية لعبه ان كنتي تعرفينه
والله خفت وقف شعر جسمي وانا اقرا
صيري اقري عليه وحصنيه دايم
وليه ماتعرضينه على دكتور عشان تتطمني
وعلى فكره يمكن اودي هذا هو شخصية الكرتون في فيلم حكاية لعبه ان كنتي تعرفينه
الصفحة الأخيرة
بس القديمين يقولوا الاطفال يشوفون شئ مانشوفه
الله اعلم