وشو تعرف الزوج ؟؟

ما اتذكر انهم طلبو مني شيء زي كذا ..

وانا فاتحه الحساب مافيه ولا ريال .. وللحين على حاله خخخخخخخخخخخخ

حياك الله أختي ..

المطلوب هو كرت العائلة ( الأصل ) .. فقط هذا المطلوب

و راح يعطونك في قسم خدمة العملاء استمارة فتح حساب جديد .. تكتبين فيها كل المعلومات المطلوبة عنك مثل الإسم و المعلومات الواردة في كرت العائلة كرقم السجل المدني و تاريخ و مكان الميلاد و رقم الهاتف و البريد و مكان السكن .. و مثل هذه المعلومات

و في الحال بعد تسليمك للإستمارة كاملة .. راح تستلمين بطاقة الحساب ( حساب جاري )

و إذا حبيتي إصدار بطاقة صراف آلي .. لازم تودعين أي مبلغ في حسابك

بعد ما تستلمين بطاقة الحساب .. خذي استمارة ( إيداع ) و اكتبي فيها معلوماتك و رقم حسابك و المبلغ المراد إيداعه في الحساب و سلمي الإستمارة مع المبلغ للموظف او الموظفة الموجود في قسم الصرافين .

ثم ترجعين مرة ثانية لموظف أو موظفة خدمة العملاء .. و معاكي نسخة من الإيداع و تطلبين إصدار بطاقة صراف ، و راح يقوم الموظف أو الموظفة بعمل ذلك و يطلب منك مراجعة البنك بعد فترة أسبوع لإستلام بطاقة الصراف .

و راجعي مع الموظف أو الموظفة اسمك باللغة الإنجليزية .. لأن هذا الاسم راح يطبع على بطاقة الصراف .. و كثير يصير خطأ في كتابة الاسم بالانجليزية .

و في وقت استلام بطاقة الصراف .. تروحين للموظف أو الموظفة المختصة و تختارين أي أربعة أرقام .. كرقم سري للبطاقة

و راح تشتغل معاك البطاقة بعد 24 ساعو من إدخال الموظف أو الموظفة للرقم السري اللي أخترتيه

و فيه بعض البنوك ترسل بطاقات أجهزة الصراف الآلي عبر البريد مع الرقم السري الخاص بالبطاقة ..



أما بخصوص الجواز .. فما اظن أنه مطلوب في أي بنك في بنوك السعودية للمواطنين .. صح يمكن يطلب الجواز أو الإقامة إذا كان طالب فتح الحساب مقيما و ليس مواطنا .


و بخصوص التعريف من الزوج .. هذا أول مرة أسمع به

ممكن بعض البنوك كذا نظامها .. لكن إذا كانت المرأة التي قدمت على طلب فتح الحساب غير متزوجة ؟؟ فمن وين تجيب التعريف ؟؟

هذا التعريف أيضا اتوقع أنه غير ضروري ..

و عموما .. يكون زوجك معك لما تروحين للبنك أفضل .. لأنه ممكن يطلبون توقيعه أو تعريف منه .. احتمال

اعتذر عن التاخير في الرد بسبب عدم دخولي النت اليومين اللي فاتو ولكن العضوات والاعضاء ماقصروا

واول مره اسمع انهم يطلبوا تعريف الزوج ..