أوراق من مذكراتي ....رحلتي إلى ماليزيا الساحرة ...مواقف ..وطرائف ..وفوائد..

" غرام الورد " • 16 سنة

لعبة جزيرة الذهب المفقودة

لعبة اخرى

+1

" غرام الورد " • 16 سنة

ألعاب وأماكن أخرى في الملاهي

المقص

سفينة القراصنة

+4

" غرام الورد " • 16 سنة

وبعد الانتهاء من هذه الملاهي ..

رجعنا للفندق ..

وكان عشانا من كنتاكي ..

ونمنا وارتحنا ..

وغدا بإذن الله يوم جديد وزيارة مميزة إلى " البرجين التوأم " " بترو ناس توين تاور "

وسوق " شاينا تاون "

" غرام الورد " • 16 سنة

الحلقة السابعة عشر

اليوم هو اليوم الخامس لنا في كوالا والحادي عشر في رحلتنا إلى ماليزيا

قمنا وفطرنا في الفندق ...وخططنا لليوم كالآتي :

1. أخذ تذاكر زيارة ودخول جسر البرجين التوأم ..

2. زيارة مصنع الجلود ..

3. الذهاب إلى سوق " شاينا تاون " في الحي الصيني ..

4. زيارة البرجين التؤأم ..والجسر في الدور رقم 40 ..

تابعوني

" غرام الورد " • 16 سنة

وبعد الانتهاء من الفطور خرجنا بدري ... ومعروف اللي يبغى يطلع في الجسر في البرجين التوأم ...لازم يروح من بدري عشان ياخذ تذاكر الدخول له ..

أخذنا التذاكر ..ووقتنا هو على الساعة 3 ونص عصرا ..

وقررنا نروح إلى الحي الصيني ..وكان فيه محلات حلوة ..أذكر دخلت محل حق اكسوارات .. وأسعاره مرة رخيصة ..

السلسلة ب 12 رنجت وهي مررررررة حلووووة

والحلقين ب 2 رنجت ...

اشترينا منه أغراض لي وهدايا ..

ورحنا إلى " شاينا تاون " وهي عبارة عن سوق كبير جدا لكل الأغراض المقلدة الصينية ...وطبعا تلقي فيه اغراض وتحف وملابس وشنط مرة حلوة وسعرها رخيص أو غالي وطبعا لازم تكاسري لأنهم نصابين ..

المهم اشترينا منه أغراض ..وتحف وهدايا ..

وسبحان الله أذكر كان وقت صلاة جمعة وتعرفوا صلاة الجمعة ما تجب على المسافر ..

إحنا نسمع الآذان ..

وفي كم محل فاتح أغاني ..تعرفوا صينين ايش فهم أهلهم في احترام الإسلام أو توقير شعائر الدين ..

كم تقطع قلبي وقتها ..

وبعد كدا لمن خلصنا وقبل وقتنا ..رحنا إلى البرجين التوأم ..وجلسنا نصور من برا

وشوية نرلت مطرة ..

سبحان الله عندهم لازم المطر كل أسبوع مرة - مرتين - ثلاثة ...

وعندنا لازم صلاة استسقاء عشان تنزل مطرة مرة - مرتين في السنة

الحمد لله على نعمه والله لا يحرمنا بالمعاصي والمنكرات والذنوب ..

وطبعا قال لنا السواق لا تشتروا من هنا ..لأنو كل المحلات أسعارها غالية وتلقى نفس بضايعهم

في أسواق تانية بسعر أرخص ..

دخلنا واتفرجنا ..والحق هو حلو بس مو أحلى من الفيصلية والمملكة ..

تراهم قدامه أحلى ألف مرة .. بس تعرفوا لازم الواحد يدخله عشان اسمه في يوم من الأيام طلع البرجين توين تاور

واحتجنا نروح الحمام عشان أغير لولدي ..طلع دخول الحمام ب 2 رنجت !!!!

استغربت أول مرة أشوف حمام بفلوس
الله يعز الحكومة ويجزا أصحاب المحلات عندنا خير ..دخول الحمام ببلاش

وطبعا الدخول للجسر بالدور ..كل مجموعة لها لون وتلبس كرت بلون معين

وندخل نشوف عرض ونلبس نظارات - عرفتوه زي ثلاثي أبعاد -

وبعدها نتفرح على معرض على كيفية بناء البرج ..وشوية أمور علمية ..

وشوية جا وقتنا عشان نطلع للجسر

أتوقع زي كدا 25 شخص فقط ونجلس لمدة 15 دقيقة أو 10 دقايق فقط ..

- يا حبهم للنظام والترتيب ليتنا زيهم -

وراح تشوفوا أحلى صور للبرجين

تابعوني