أوعدج بعد قراءه هذا الموضوع ماتتأخر عنج أجابه الدعوه أكثر من أيام - موضوع من تجربتي

السلام عليكم


بنات عقب ما مريت في محنه مايعلم فيها الا رب العالمين

محنه تهد جبال وتشيب الطفل الصغير

الحمدالله على كل حال

هالمحنه خلتني افتح عيني على أشياء وايد وتعلمت اشياء وايد كنت غافله عنها بديني ودنيتي


قررت اني اكتب لكم تجربتي وانا واثقه ان هالكلام الي بقوله ما انطرح بالنت من قبل








اول شي


او اول شرط

اذا كنتي وانتي تقرين تعرفين ان بينج وبين رب العالمين ذنب يحجب استجابه الدعوه

مثلا تحفين او تحشين او او


ما انصحج تكملين بالقراءه
















بسم الله أبدأ



كلنا كلنا نعرف اهميه حسن الظن وان نثق ان الدعوه مستحابه لا محاله


لــــــــــــــكــــــــــــن



عمرج تعمقتي أكثر بمعني حسن الظن ؟؟





يقـول الحق تبارك وتعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) ؟




1- أن كنتي تعتقدين وانتي ملحه بالدعاء وتبكين ان الله سوف يستجيب بعد سنه فيستجيب بعد سنه او ربما أكثر



اشلوووووون ؟؟



انا وانا اقوم اتوضأ للصلاه اجهز نفسي وأهيأها انا الحين بوقف بين يد رب العالمين وهو رحمن رحيم سبحانه ويعلم بحالتي الصعبه


وسوف ينجيييييييني وبسرعه



وبسرعه يا بنات

الظن بأن الله هو المغيث ويغير الحال بلمح البصر من حيث لا اعلم ولا ادري


اليس هو مسبب الاسباب سبحانه!!


وبالتالي


أعتقدي ان الله بيعطيج بعد يومين شيصير!!


طبعا احنا مانعلم الغيب بس من باب الثقه بالله مبدل الاحوال بلمح البصر



انا اقولج حطي في بالج ان الله سريع الاجابه اهم شي وخلج بنفس الوقت واقعيه بعيده عن الاوهام


مثلا عندج مشكله تحتاج الي حلها الي شهر مثلا

قولي بأذن الله مايخلص الشهر الا انحلت



تبين تسمعين خبر حلو


قولي بأذن الله خلال يومين اسمع خبر حلو


وبثقه


يمكن اول ثاني ثالث مره ما يستجاب لج بس صدقيني عقبها راح تشوفين احلامج تتحقق وبسرعه


ملاحظه : مع تكمله باقي الموضوع





ثانيا لا تنظري للكأس الفارغه

لاتخلين تفكيريج مركز على المشاكل والهموم الي تحبط نفسيتج وتهزج من داخل من غير ماتحسين

تقومين لما توقفين على سجاده الصلاه منكسره حزينه بائسه قصب صالبه طولج


وين الثقه عيل ؟؟



انزين اشلون لازم نفكر ؟؟


مشكلتج وين ومع منو ؟؟


مع زوجج مثلا ؟؟

خل نقول خاين والعياذ بالله

قصب قصب قنعي نفسج انها وساوس شيطان لوو بالجذب


قولي لااااا زوجي يحبني زوجي ما يخون ابدا زوجي كريم زوجي حنون


ليش اتسوين جذي؟؟


1- اهو بيحس من عيونج انتي اشلون تنظرين له وبيستحي منج وراح يوصله الكهربا الي تطلع منا كلنا اتجاه بعض كهربا الحب او كهربا الكراهيه


مو انتي اكيد تعرفين بنت معاج بالدوام وعمرج وعمرج ماقلتي لها اكرهج بس اهي تدرين انج تكريهينها!!!


والعكس صحيح


الارواح جنود مجنده يا بنات


انظري للطرف الثاني نظره ايجابيه عشان يستشعرها ويعاملج على اساسها


2- تبجين عند ربج يارب حنن قلبه علي او او بدخلكم بسالفه ثانيه يارب ارزقني فلوس وايد


وترفعين راسج من الصلاه


ويييييييي هذا ما منه فايده

وييييي عيشتنا كله فقر من وين تيي الفلوس


هذه ثقتج بالله !!!



كاااااااااااااااااافي افكار سلبيه


الحين الحين تنظرين لنفسج ولمشكلتج ولزوجج ولوضعج المادي انج بخير لو انتي عايشه جحيم حتى لو بالجذب وانا اوعدج غيري افكارج تتغير حياتج عن تجربه



الشي الثالث


الحمد الحمد الحمد


حمدالله تعالى والامتنان له اكثر اهميه من الدعاء

اليوم الي تخصصين وقتج فيه فقط لحمدالله تأكدي ان وراه يوم فرج


حطي راسج على المخده وشوفي شنو حواليج من نعم


+


تخيلي ان مشكلتج انحلت هم لو خياااااااااال


عيشي افكار حلوه ووخري السلبيه


وبعدها هذا المهم

قولي الحمدالله الي ابيه حاسه بيصير قريب شفته بعيوني !!


المحرومه من الظنا اقولها روحي اشتري ملابس البيبي وتخيلي ان موجود وقولي الحمد


والي تبي تتزوج جهزي وقولي الحمدالله ان حاسه ان عرسي قرب



والي زوجها بعيد او زعلان تتخيل ان يحظنها ويطبطب عليها وانها سعيده معاه


بسسسسسسس


بسسسس


اياااااااج اياااااااااج من الشعور بالحرمان والقهر والنقص والأنكسار


تفاااااااائلي


الشعور بالحرمان يجلب المزيد منه يا بنات




انتوا مو جربتوا الشعور بالحرمان والوحده وهالافكار السلبيه مده طويله

وما استفدتوا


جربوا طريقي شهر

وشوفوا






الشي الرابع


التعلق الشديد بالشي يخليه ينفر منج


او يهرب منج


وهذا ايضا ينافي الثقه




بعد الدعاء اقول

استودعتك ياربي دعائي وحاجتي سبحانك لاتضيع ودائعك

انتهى

التفت لحياتي


الحين لما تطلبين من عزيز عليج ابوج او اخوج شي مو انتي واثقه ان تم وصار


ولله المثل الاعلى

اشلون تشكين بأن الدعوه مستجابه واهي عند المجيب مالك الملك سبحانه


تتوترين وتنهارين وتحاتين وكئيبه


بعد اشلون صاير الشك والقنوط والعياذ بالله


انزين في بنات يسئلون اشلوت الح ( من الالحاح ) بالدعاء واشلون ما اتعلق بالشي


اقولج موووو تلحين


الا خلي السانج يعورج وانتي تدعين

وعيونج تدمع


ولكن


بس ترفعين راسج جابلي نفسج وحياتج وخلي امانتج عند رب كريم ما ينساج ولااااااا تفكيرييييين












الشي الخامس


فتح حساب لحسانتج


خلي ميزانج يثقل بالحسنات

والناس الخيرين قريبين من الله سبحانه ويحبهم الله وينصرهم



اشلون اثقل ميزاني


الصدقه لو ربع دينار والدعاء بعدها - قراءه القرآن كل يوم اجبااااااااااااااااري 5 صفحات يعني 5 دقايق يعني 4ختمات بالسنه - الحرص على الاذكار الي تزيد الحسنات مثل قراءه سوره الصمد 3 مرات او الاستغفار لج وللمؤمنين وللمؤمنات الاحياء منهم والاموات


تكونين خذيتي اجر كل المؤمنين سبحان الله


وحرف القرآن بحسنه والحسنه بعشر امثالها


يكون ميزانج ثقل

وعندج رصيد


ترفعين ايدج فيستجااااااب لج سبحان الله





الشي السادس



اياج والمعاصي واشاعه الفاحشه

مو تتسلين بنشر صور الفنانات وتسمعين رفيجاتج اغاني تقومين تاخذين كل ذنب الي سمعوا وشافوا



نبي رصيد يا بنات


















الشي الاخير


اياك والغرور ان تحققت لك سرعه الاستجابه


واياك والاحباط ان تأخرت عنك





ماشاء الله تبارك الرحمن






ماشاء الله تبارك الرحمن







انا تحققت لي 3 دعوات بشهر

ادعي الصبح يصير بليل


والحين انا في اختبار


هل اكمل او اتراجع


وادعي حاليا ولايستجاب لي

لان رب العالمين عطاني وما يبيني انغر


سبحان الله

فمنع عني الاجابه واعلم انه منع مؤقت ووراه فرج كبير واني بأختبار



لاتنسون

احنا ناخذ بالاسباب فقط



ومو كلها بعد


الاسباب العظيمه بيد الله


والدعاء يرد القضاء

والنتيجه بعد بيده سبحانه


فأن استجاب لك اياك والغرور وان تأخرت الاجابه تفائلي واستشعري الخير



اخيرا


هذا الموضوع كتبته لكم بعد تجربتي الصعبه


فأن اصبت فهو من الله



وان اخطأت فهو مني ومن الشيطان



ولا اطلب منكم الا الدعاء لي ان الله يحقق لي مرادي ويسعدني ويعوضني خير مما رأيت

منقول