أوفيت بوعدي لكم .. وهذا . سر . البياض بإسبوعين فقط

السلام عليكم .. حبيباتي

ندخل في الموضوع
أنا وعدتكم اكتب لكم سر البياض اللي اسويه لجسمي قبل الصيف
أول شي يالغاليات انا ماجبت شيء من عندي الفضل بعد الله لكم
قبل لا أكتب الطريقه أكيد عندكم أسئله وهي كالمعتاد
لون جسمي وذا السؤال له كذا إجابه :22:

الوجه ابيض ولا يخلو من بعض عوامل الجو :icon33:
الجسم من قدام ابيض ولكن موبنفس درجة الوجه
الجسم من الخلف (يؤؤؤؤؤؤؤؤؤؤؤؤؤ) حدثوا ولا حرج عمري ما أعطيته أهميه إلا قريب :09:
كأنه للجيران مو لي وإذا سولت لي نفسي علشان أغسله أحس إنه بعيد كأني مسافره
وأغسله أي كلام
طبعاً الكلام هذا يكون طول السنه إلا قبل الصيف والزواجات يجي الجد وأهله بعد
وأحس كأني أحضر الدكتوراه

نجي للطريقه

أول شي حضري جسمك (( حلوه حضري )) يعني لازم يكون عندك وقت كافي وما تملين وتحطين في بالك إن البياض يستناك وكل العيون عليك في الصيف وإنك أحلى وحده يعني فكري في النتائج وأهم شيْ الألوان الجريئه اللي بتلبسيها ( من الأحمر والأورنج... وغيرها ):icon28:
المهم ....إدخلي غرفتك ( ونزلي الملابس ) وسمي وإذكري الله والأفضل يكون عندك مفرش قديم تجلسين عليه وتبدئين تمسحين جسمك بخلطه أخذتها من هنا والله العظيم روووووووووعه وهي
قشور 3 موزات... بس القشور من غير الفاكهه نفسها( يعني كلي 3 موزات وخلي قشورها للخلطه )
بطاطا مسلوقه مع قشورها
نص ليمونه صفرا مع قشورها
كوب حليب طازج(حليب نادك او مراعي او العين او اي حليب حجم صغير) الحجم الصغير للحليب .. تحطينه كله.. لأنه يعادل كوب تقريبا

وبــــــــــــــــــس..

تاخذين قشور 3 موزات والبطاطا المسلوقه مع قشورها ونص ليمونه مع قشورها والحليب وتحطينهم بالخلاطه وتخلطينهم عدل عدل عدل...

يطلع لك لون بني وتحطين ذي الخلطه على الوجه والجسم وإذا بدأت تجف أفركيها وإذا خلصتي خذي الخلطه الثانيه وبعد أخذتها من هنا لكن حفظتها وضاعت لكن يعرفونها البنات وهي صابونه الغار مبشوره في مويه ورد ومعاها فكس وكركم وزيت جلسوليد وخروع وزيت اللوز والله نسيت الباقي لكن بإذن الله تحصلونها المنتدى زي الصندوق الأسود ما يضيع منه شي .. المهم خلي الخلطه ذي أقل شي ساعه ونصف
وبعدين إدخلي حمام الساونا وخذي معاك ليمون أصفر وملح خشين لكن يكون مطحون لأنه إذا ماطحنتيه شوفي نفسك بعد الحمام كأنه هجم عليك ( قطو ) وخربشك .. :06: المهم حطي ملح على الليمون وأفركي كل مكان هذا كله وإنتي بالساونا
وإذا خلصتي إطلعي ورشي على جسمك ملح الحليب اللي عليه بقره وأفركي الآن بالليفه لين يطلع كل شي ثم صبي على جسمك مويه بارده علشان تتقفل المسام ثم خذي أي صابونه ( دوف ) حلوه ودعكي جسمك ثم إتشطفي وقبل ما تتنشفين حطي زيت أطفال أو جل وطلعي وشوفي البياااااااااااااااااااااااااااض والنظافه
أنا أصلح هذا الحمام كل يوم لمده إسبوعين واللي تبغى الأفضل تطول المده
لكن يوم أصلح الخلطتين مع حمام البخار واليوم اللي بعده أصلح الخلطتين مع دوش عادي بدون بخار

وربي نتائجها مذهله وكل الناس يلاحظون بياضي في الصيف حتى يكون بياض بلمعه
وسامحوني على الإطاله ولا تنسون تدعون لي إنالله يسخر لي زوجي ويرزقني الذريه الصالحه وييسر لي أموري
واللي ما تعجبها الطريقه لا ترد جزاها الله خير مسبقاً
وكل وحده أخذت منها خلطه الله يسعد قلبها في الدنيا والآخره

أنا أستنى الردود الحلوه ;)